ដោយ​: ប​.​ជ័យ / បន្ទាយមានជ័យ​: សមត្ថកិច្ច​នគរបាល​និង​កងរាជអាវុធហត្ថ បាននិងកំពុង​ស្រាវជ្រាវ​រក​ឃាតករ​ដែល​កាប់​បុរស​ម្នាក់​ស្លាប់ នៅ​ឃុំ​សា​គ្រាម ស្រុក​ប្រាសាទ​បល្ល័ង្ក ខេត្តកំពង់ធំ កាលពី​ម៉ោង​៣​រសៀល​ថ្ងៃទី​៩ ខែឧសភា ឆ្នាំ​២០២១ នៅ​ចំណុច​ចំការ​ស្វាយចន្ទី តំបន់​អូ​ក្បាល​ស្វាយ ស្ថិតក្នុង​ភូមិ​វាល​ថ្នល់ ឃុំ​សា​គ្រាម ស្រុក​ប្រាសាទ​បល្ល័ង្ក ខេត្តកំពង់ធំ​។​

​សមត្ថកិច្ច​នគរបាល​ស្រុក​ប្រាសាទ​ប​ល្ល័​ង្គ បាន​ឲ្យ​ដឹង​ថ្ងៃទី​១០​ខែឧសភា​ថា​៖ ករណី​ឃាតកម្ម​នោះ​មាន​ជនរងគ្រោះ​ឈ្មោះ​យុ​ត ងឿ​ន ភេទ​ប្រុស អាយុ​៥៩​ឆ្នាំ លំនៅ​ភូមិ​កើតហេតុ​។​

​សមត្ថកិច្ច​ជំនាញ​បច្ចេកទេស វិទ្យាសាស្ត្រ​ស្រុក ខេត្ត​បាន​ចុះមក​ត្រួត​ពិនិត្យឃើញថា ស្លាកស្នាម​លើ​ជនរងគ្រោះ​ស្នាម​កាប់ និង​ឧបករណ៍​រឹង​មានមុខ​មុត​ត្រង់ចំណុច​កញ្ចឹងក​ខាងក្រោយ និង​មុត​ខ្នងដៃ​ខាងឆ្វេង​។ ការសន្និដ្ឋាន នេះ​ជា​ករណី​ឃាតកម្ម ហើយ​អាច​បណ្តាលមកពី​គំនុំ​។​

​សមត្ថកិច្ច​កំពុង​ប​ស្រាវជ្រាវ​រក​ជន​ប្រព្រឹត្ត​មក​ផ្តន្ទារ​ទោស​៕​