Home ព័ត៌មានអន្តរជាតិ កោះណៅ​រុយ បាន...

កោះណៅ​រុយ បាន​បង្កើត​”​ឯតទគ្គ​កម្ម​ពិភពលោក​”​ក្រោយ​ចាក់​វ៉ាក់សាំង​ដល់​មនុស្ស​ពេញវ័យ​របស់​ខ្លួន​ទាំងអស់​ដើម្បី​ប្រយុទ្ធ​នឹង​កូវី​ដ​១៩

ប្រែ​សម្រួលៈ​វាសនា​/​ប៉ា​ឡោ​៖ ប្រទេស​ដែន​កោះ​ដ៏​តូច​នៅ​មហាសមុទ្រ​ប៉ាស៊ីហ្វិក “​ណៅ​រុយ​”​បាន​អបអរ​ខ្លួនឯង​ថា​បាន​សាង​«​កំណត់ត្រា​ឯតទគ្គ​កម្ម​ពិភពលោក​»​អំពី​យុទ្ធនាការ​ចាក់​វ៉ាក់សាំង​កូវី​ដ​១៩​ដោយសារ​មនុស្សពេញវ័យ​នៅលើ​កោះ​នេះ​ទាំងអស់​បាន​ចាក់​វ៉ាក់សាំង​ដូសដំបូង​របស់គេ​។​

​ប្រទេស​ដែន​កោះ​ដាច់ស្រយាល​នេះ ជា​ទីកន្លែង​មួយ​ក្នុងចំណោម​ទីកន្លែង​ពីរ​បី​ក្នុង​លោក ដែល​នៅ​មិនទាន់​មាន​ការឆ្លង​វីរុស​កូរ៉ូណា​មួយ​ករណី​ណា​នៅ​ឡើយនិ​ង​ឥឡូវ​ក្លាយជា​ប្រទេស​ដំបូង​គេ​ដែល​​បាន​ចាក់​វ៉ាក់សាំង​ដល់​ពលរដ្ឋ​ពេញវ័យ​របស់ខ្លួន​ទាំងអស់ ម្នាក់ៗ​យ៉ាង​តិច​មួយ​ដូស​។​

​អាជ្ញាធរ​ប៉ា​ឡោ ដែល​ជា​ប្រទេស​ដែន​កោះ​មួយទៀត​នៅ​ប៉ាស៊ីហ្វិក បាន​និយាយថា​ខ្លួន​ក៏​ជិត​សំរេច​ជោគជ័យ​ផងដែរ ដោយ​មនុស្សពេញវ័យ​៩៧​ភាគរយ​បាន​ចាក់​ដូសដំបូង​របស់គេ​។​

​រដ្ឋាភិបាល​ប្រទេស​ណៅ​រុយ បាន​និយាយថា យុទ្ធនាការ​៤​សប្តាហ៍​របស់​ខ្លួន បានសំរេច​ហួស​ការរំពឹង​ទុក​នៅ​ពេល​មណ្ឌល​ចាក់​វ៉ាក់សាំង​បាន​បន្ត​បើកទទួល​ប្រជាជន​ហួស​ម៉ោង​កំណត់​។​មនុស្ស​៧.៣៩២​នាក់​បាន​ទទួល​វ៉ាក់សាំង​ដូសដំបូង ឬ​ស្មើនឹង​១០៨​ភាគរយ​នៃ​ប្រជាជន​ពេញវ័យ​របស់ខ្លួន ដោយ​បញ្ចូល​ជនបរទេស​ក្នុង​តួលេខ​នេះ​ផងដែរ​។​

​ដូសទី​២ ត្រូវ​រំពឹងថា​នឹង​ចាក់​នៅ​ពាក់កណ្តាល​ខែ​កក្កដា​។​

​កោះណៅ​រុយ បាន​ទទួល​វ៉ាក់សាំង​កូវី​ដ​១៩ AstraZeneca ជា​ផ្នែក​នៃ​គំរោង​ចែកចាយ​វ៉ាក់សាំង​សកល​Covax​ដើម្បី​បង្កើន​ភាពស៊ាំ​នឹង​ជំងឺ​ក្នុងចំណោម​ប្រជាជាតិ​ក្រីក្រ​។​

​នៅ​ប៉ា​ឡោ ពួក​មន្ត្រី​និយាយ​ថា ពួក​គេ​សង្ឃឹមថា​នឹង​ចាក់​វ៉ាក់សាំង​បាន​៨០​ភាគរយ​ក្នុងចំណោម​ប្រជាពលរដ្ឋ​សរុប​របស់​កោះ​ប្រមាណ​១៨.០០០​នាក់ នៅ​យ៉ាងយូរ​ត្រឹម​ចុង​ខែ​នេះ ៕

​ប្រទេស​ដែន​កោះណៅ​រុយ ជា​ទីកន្លែង​មួយ​ក្នុងចំណោម​ទីកន្លែង​ពីរ​បី​ក្នុង​លោក ដែល​នៅ​មិនទាន់​មាន​ការឆ្លង​វីរុស​កូរ៉ូណា​មួយ​ករណី​ណា​នៅឡើយ​

ទីតាំងផ្សាយពាណិជ្ជកម្ម

- Advertisment -

Most Popular