ដោយ​៖​តារា​រិ​ទ្ធ​/​ព្រៃវែង​៖​នៅ​ព្រឹក​ថ្ងៃទី ១៤ ខែឧសភា ឆ្នាំ​២០២១ លោក វង សូត រដ្ឋមន្ត្រីក្រសួង​សង្គមកិច្ច អតីតយុទ្ធជន​និង​យុវនីតិសម្បទា និង​លោកជំទាវ​បាន​អញ្ជើញ​ជា​អធិបតី សម្ពោធ​ដាក់​ឲ្យ​ប្រើប្រាស់​នូវ​អគារ​មណ្ឌល​សុខភាព​ដែល​ស្ថិតនៅ​បរិវេន​សាលាឃុំ​ជា​ច ស្រុក​កំចាយមារ ខេត្តព្រៃវែង រួមជាមួយ​សមិទ្ធផល​ថ្មី​ជាច្រើន​ទៀត​ដែលមាន​តម្លៃ​ប្រមាណ​ជា ១៧ ម៉ឺន​ដុល្លារ​ងា​មេ​រិ​ក ។

​ក្នុងឱកាស​នោះ​លោក សឿង សុជាតិ អភិបាលស្រុក​កំចាយមារ​បាន​ឲ្យ​ដឹងថា​៖ កាលដើមឡើយ​មណ្ឌល​សុខភាព​ឃុំ​ជា​ច​មាន​ទីតាំង​ស្ថិ​នៅ​ភូមិ​ទួល​សង្កែរ​បណ្តោយ នឹងមាន​សភាព តូចចង្អៀត​ទីតាំង​មិន​នៅ​ចំ​ចំណុចកណ្តាល​របស់​ឃុំ​នោះទេ​ដែល​ធ្វើអោយ​ប្រជាពលរដ្ឋ​មួយចំនួន​មានការ​លំបាក​ក្នុងការ​ទៅ​ទទួល​សេវា​សុខភាព ជាពិសេស​ប្រជាពលរដ្ឋ​ដែល​រស់នៅ ប៉ែក​ខាងជើង​មួយផ្នែក​នៃ​ឃុំ​ជា​ច នៅ​ឆ្ងាយ​បាន​ទៅ​ទទួល​សេវា​សុខភាព​នៅ​ឃុំ​ដូនតី ស្រុក​ពញាក្រែក​ដែលមាន​ទីតាំង​ជិត​ជាង ។ ដោយ​មើលឃើញ​ពី​ការលំបាក​និង​ដោយ​មានការ គោរព​ស្នើសុំ​ពី​បងប្អូន​ប្រជាពលរដ្ឋ​ក្នុង​ឃុំ​ជា​ច លោក វង សូត និង​លោកជំទាវ បាន​សាងសង់​អគារ​មណ្ឌល​សុខភាព​ថ្មី​យ៉ាង​ល្អ​ប្រណិត​ដែលមាន​ទីតាំងនៅ​ភូមិ​ជា​ចលិច លើ​ផ្ទៃដី​ទិញ ថ្មី​ទំហំ ៣.០០០ ម៉ែត្រការ៉េ បំពាក់​ដោយ​សម្ភារៈ​បរិ​ក្ខា​ពេទ្យ​និង​ឧ​បករ​ណ៏​ទំនើប​ដើម្បី​បំរើសេវា​ជូន​ប្រជាពលរដ្ឋ​អោយបាន​ល្អប្រសើរ ។

​ថ្លែង​នៅក្នុង​ឱកាស​នោះដែរ​លោក វង សូត រដ្ឋមន្ត្រីក្រសួង​សង្គមកិច្ច​អតីតយុទ្ធជន​និង​យុវនីតិសម្បទា បាន​មានប្រសាសន៍ថា​សមិទ្ធផល​ថ្មី​នេះ​អាច​ចាត់ទុកជា​សមិទ្ធផល​ប្រវត្តិសាស្ត្រ ថ្មី​មួយ​របស់​អ្នក​ឃុំ​ជា​ច ព្រោះ​តាំងពីដើម​រៀង មក​យើង​មិន​ដែលមាន​មណ្ឌល​សុខ​ភាពល្អ​ស្អាត ប្រកបដោយ​ស្តង់ដារ​បែបនេះ​ទេ​ដូចនេះ​ត្រូវខិតខំ​ថែរក្សា​វា​ឲ្យ​បានល្អ​ព្រោះ​វា​ជា​សម្បត្តិ រួម​របស់​បងប្អូន​ស​ម្រា​ប់​ប្រើប្រាស់​បម្រើសេវា​សុខភាព ។ ជាមួយគ្នានេះ​លោក​រដ្ឋមន្ត្រី​ក៏បាន​ណែនាំ​ដល់​ក្រុមគ្រូពេទ្យ​ទាំងអស់​ដែល​ប្រចាំការ​នៅ​មណ្ឌល​សុខភាព​នេះ​ត្រូវ​យ​លក​ចិត្ត​ទុកដាក់​ផ្តល់​សេវា​ព្យាបាល​ជូន​ប្រជាពលរដ្ឋ​ឲ្យ​អស់​លទ្ធភាព ជាពិសេស​ទៀត​គឺ​ត្រូវខិតខំ​បង្កើន​សម​ត្តភាប​និង​ចំណេះដឹង​របស់ខ្លួន ដើម្បី​ប្រើប្រាស់​នូវ​ឧបករណ៍​ពេទ្យ​ទំនើប​ក្នុងការ ជួយ​ព្យាបាល​ប្រជាពលរដ្ឋ ។

​សូមបញ្ជាក់​សមិទ្ធផល​ដែល​ត្រូវបាន​សម្ភោ​ធ​ដាក់​ឲ្យ​ប្រើ​ប្រា​សើ​នោ​ពេលនេះ​រួមមាន ៖ ១.​អគារ​មណ្ឌល​សុខភាព​ឃុំ ១​ខ្នង​សាងសង់​ពី​បេង​តុង​ដំបូល​ឆ្អឹង​ដែក ប្រក់​ក្បឿង​ថៃ នៅក្នុង អគារ​មាន ៨​បន្ទប់ នឹង​បន្ទប់ទឹក ៤ ចែកចេញជា​បន្ទប់​សំរាល​,​បន្ទប់​ថែទាំ​ក្រោយ​សំរាល​,​បន្ទប់​អេកូ​សាស្ត្រ​, បន្ទប់​យាម​ប្រចាំការ​, បន្ទប់​ឳ​សថ​, បន្ទប់​ពិគ្រោះ​ជម្ងឺ​មនុស្ស​ធំ និង​កុមារ ,​បន្ទប់​ពិនិត្យ​ផ្ទៃពោះ​និង​ពន្យា​កំណើត​និង បន្ទប់​ផ្ដល់​ថ្នាំ​បង្ការ ។​គ្រប់​បន្ទប់​ទាំងអស់​ត្រូវបាន​រចនា​ប្លង់​និង​ទំហំ​បន្ទប់​តាម​ស្តង់ដារ​បស់​ក្រសួងសុខាភិបាល និង​បាន​បំពាក់​សម្ភារៈ​ម៉ាស៊ីនអេកូ​សាស្ត្រ​បរិក្ខា​ពេទ្យ​គ្រប់គ្រាន់ ។ ២.​អាគារ​ឃ្លាំង​១​ខ្នង​ធ្វើ​អំពី​បេតុង​ប្រក់ស​ង្ខ​សី​មាន​២​បន្ទប់​និង​បន្ទប់ទឹក​ក្រៅ​ចំនួន​២​បន្ទប់​ទៀត​សម្រាប់​ប្រជា​ពល​ប្រើប្រាស់​ពេល​ជូន​អ្នក​ជម្ងឺ​មក សំរាក​ព្យាបាល​។​៣.​ក្លោងទ្វារ​មណ្ឌល​សុខភាព​ឃុំធ្វើ​អំពី​បេ តុង​ប្រក់​ក្បឿង​ស្រការ​នាគ ។៤.​ចាក់សាប​ឆ្អឹង​ដែក​១០​លី​ជុំវិញ​ទីធ្លារ​បរិវេណ​សាលាឃុំ មណ្ឌល​សុខភាព ប៉ុស្តិ៍នគរ បាល រដ្ឋបាល និង ខាងមុខ​របង​រហូត​ដល់​ផ្លូវ​កៅស៊ូ​ចំនួន​១.៨១៥ ម​២ ។ ៥.​ធ្វើ​សួនច្បារ​និង​ដាំ​ស្មៅ​ក្នង​សួន​ខាងមុខ​មណ្ឌល​សុខភាព​ឃុំ​ចំនួន ៧០០​ម៉ែត្រការ៉េ​។​ផ្ដល់​រថយន្ត​ពេទ្យ​១​គ្រឿង និង​បំពាក់​គ្រឿង​បរិក្ខា​ពេទ្យ​១ កំ​ប្លេ​ក្នុង​រថយន្ត ។ ៦.​រោង​ដាក់​រថយន្ត​ចំនួន ២​កន្លែង ផ្ទះបាយ​១​កន្លែង​។​៨.​ទិញ​ដី​បន្ថែម​ទំហំ​១.៣០០​ម៉ែត្រការ៉េ​និង​ចាក់ដី​បំពេញ​ចំនួន​១.៣៤៥ ម៉ែត្រ និង​ធ្វើ​របង​ថ្ម​ព័ទ្ធជុំវិញ​ប្រវែង ៧៥​ម៉ែត្រ កំពស់​២,៣ ម៉ែត្រ​។​

​ក្នុងនោះ​ឱកាស​នោះ លោក​រដ្ឋមន្ត្រី វង សូត និង​លោកជំទាវ ក៏បាន​ឧបត្ថម្ភ​ថវិកា​សម្រាប់​ប្រើប្រាស់​ដើម្បី​បង្ការ​ទប់ស្កាត់​នៃ​ជំងឺ​កូ​វីដ​១៩ ចំនួន​១០ លាន​រៀល​ជូន​សាលាស្រុក​កំចាយ មារ​ឧបត្ថម្ភ​ដល់​មណ្ឌល​សុខភាព​ចំនួន ៣ លាន​រៀល​, ប៉ុស្តិ៍នគរបាល​ចំនួន ២ លាន​រៀល ,​ឧបត្ថម្ភ​ឃុំ​ជា​ច ៥ លាន​រៀល​នឹង​ចេញថ្លៃ​កាត់​ខោអាវ​ដល់​ប្រជា​ការពារ​ភូមិ​និង​ថវិកា​ចំនួន ១៩.៦០០.០០០​រៀល​និង​អាយកូម​ចំនួន ៦០ គ្រឿង​ឧបត្ថម្ភ​ដល់​សាលារៀន ៨​លាន​រៀល​និង​បាន​ឧបត្ថម្ភ​ដល់​បងប្អូន​ប្រជាពលរដ្ឋ​ដែល​បាន​អញ្ជើញ​ចូលរួម​នៅក្នុង​ម្នាក់ៗ​ទទួលបាន ម៉ាស អាកុល ក្រមា និង​ថវិកា ៥ ម៉ឺន​រៀល​៕​