​ដោយៈ ដកស្រង់​ពី​វចនានុក្រម សម្តេច​សង្ឃរាជ ជួន ណាត​

លិឍ​

(​លិ​ត ឬ ត​. ទ​. ស្រ​. លឹ​ត​)

​កិរិយាសព្ទ​

(​សំ​. ឬ បា​. <​លិ​ហ​, ហ > ឍ ឬ ទ្ធ ) កេវ​, កាវ​, កោយ​ដោយ​អណ្ដាត ឬ​ផ្ដិត​ចុង​អណ្ដាត​លើ​អ្វីមួយ​
​លិឍ​បបូរមាត់​, លិឍដៃ​; លិទ្ធ​មើល​ឲ្យ​ដឹង​រស ។​

​លិខនកម្ម​

(​លិ​ខ​:​ន៉​:​ក័​ម​)

​នាមសព្ទ​

(​បា​. ) ការសរសេរ​, ការ​គូរវាស​
​ចិញ្ចឹមជីវិត​ដោយ​លិខនកម្ម ។​

​លិខិតគោចរ​

​នាមសព្ទ​

​លិខិត​របស់លោក​ចៅអធិកា​រ​វត្ត​បញ្ជាក់​បរិសុទ្ធិ​នៃ​ភិក្ខុ​ឬ​សាមណេរ​ដែល​ចេញ​ចរ​ទៅកាន់​ខែត្រ​ដទៃ​តាម​បញ្ញត្តិ​សម្រាប់​ប្រទេស​កម្ពុជា ដោយ​ប្រយ័ត្ន​ក្រែង​មាន​បព្វជិត​ក្លែងក្លាយ​បន្លំ​ថា​ខ្លួន​ជា​អ្នកបួស​បរិសុទ្ធ . . . ។​

​យីកេ​

​នាមសព្ទ​

​ឈ្មោះ​ល្បែង​មហោស្រព​មួយ​ប្រភេទ លេង​ស្រដៀង​នឹង​ល្ខោន តែមាន​ទះ​ស្គរ​តូច​ខ្លះ​ធំ​ខ្លះ​បញ្ជើច​ជាមួយនឹង​ការ​ច្រៀង​រាំ​, ស្គរ​ទាំងនោះ​មាន​រាង​មូល​ខ្លីៗ ដាស​តែ​ម្ខាង ( ហៅ លិកេ ក៏បាន ) ។​

​យក់​

​នាមសព្ទ​

( ស​. ហ្យ​ក អ​. ថ​. ហ្យុ​ក = យ៉ុ​ក ) ឈ្មោះ​ថ្មកែវ​វិសេស មាន​សាច់​រឹង​ម៉ដ្ឋខៃ ច្រើន​តែមាន​សម្បុរ​-​ស​ឬ​ខៀវ ជា​របស់​មានតម្លៃ ពួក​ចិន​ច្រើន​ប្រើ​ជា​គ្រឿងអលង្ការ ប្រដាប់​ត្រចៀក​ឬ​ប្រដាប់​ដៃ​
​ថ្មយក់ ឬ​កែវ​យក់​, កង​យក់ ។​