ដោយៈ បាយ័ន / សៀមរាបៈ ក្នុង​ព្រឹត្តិការណ៍ ការឆ្លង​រាលដាល​ជំងឺ​កូ​វីដ​-១៩ ចូលក្នុង​សហគមន៍ ២០ កុម្ភៈ នេះ ក្រុមគ្រូពេទ្យ នៃ​មន្ទីរពេទ្យបង្អែក​ខេត្ត សៀមរាប បាន​ព្យាបាល ជាសះស្បើយ អ្នក​វិជ្ជមាន​ជំងឺ​កូ​វីដ​-១៩ ថ្មី ចំនួន​៦​នាក់​។​

​រដ្ឋបាល​ខេត្តសៀមរាប មាន​កិត្តិយស សូម​ជម្រាបជូន​សាធារណជន ឱ្យបាន​ជ្រាបថា អ្នក​វិជ្ជមាន​ជំងឺ កូ​វីដ​-១៩ ថ្មី ចំនួន​៦​នាក់ ដែល​បាន​ព្យាបាល ជាសះស្បើយ ដូច​មាន​រាយ​នាម ខាងក្រោម​៖
១- ឈ្មោះ កាន់ សុ​ភី ភេទ​ស្រី អាយុ​៥៩​ឆ្នាំ អាសយដ្ឋាន​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​ដែល​វិជ្ជមាន​ជំងឺ​កូ​វីដ​-១៩ កាលពី​ថ្ងៃទី​៥ ខែឧសភា ឆ្នាំ​២០២១​។​
២- ឈ្មោះ សយ សុធា ភេទ​ស្រី អាយុ​៤៤​ឆ្នាំ អាសយដ្ឋាន​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​ដែល​វិជ្ជមាន​ជំងឺ​កូ​វីដ​-១៩ កាលពី​ថ្ងៃទី​៥ ខែឧសភា ឆ្នាំ​២០២១​។​
៣- ឈ្មោះ អៀម លីម ភេទ​ស្រី អាយុ​៤០​ឆ្នាំ អាសយដ្ឋាន​ភូមិ​គោក​វាល ឃុំ​រើ​ល ស្រុក​ពួក ដែល​វិជ្ជមាន​ជំងឺ​កូ​វីដ​-១៩ កាលពី​ថ្ងៃទី​២៩ ខែមេសា ឆ្នាំ​២០២១​។​
៤- ឈ្មោះ ហៃ ណា​ឌី ភេទ​ស្រី អាយុ​៣២​ឆ្នាំ អាសយដ្ឋាន​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​ដែល​វិជ្ជមាន​ជំងឺ​កូ​វីដ​-១៩ កាលពី​ថ្ងៃទី​៥ ខែឧសភា ឆ្នាំ​២០២១​។​
៥- ឈ្មោះ មុំ ម៉ាលី ភេទ​ស្រី អាយុ​១៧​ឆ្នាំ អាសយដ្ឋាន​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​ដែល​វិជ្ជមាន​ជំងឺ​កូ​វីដ​-១៩ កាលពី​ថ្ងៃទី​៥ ខែឧសភា ឆ្នាំ​២០២១​។​
៦- ឈ្មោះ ម៉ម ចាន់នី ភេទ​ស្រី អាយុ​៤​ឆ្នាំ អាសយដ្ឋាន​ភូមិ​ដក​ពោធិ៍ សង្កាត់​ស្លក្រាម ក្រុង​សៀមរាប​ដែល​វិជ្ជមាន​ជំងឺ​កូ​វីដ​-១៩ កាលពី​ថ្ងៃទី​៥ ខែឧសភា ឆ្នាំ​២០២១​។​

​អ្នកជា​សះស្បើយ​ទាំង​៦​នាក់​ខាងលើ ត្រូវបាន​ក្រុមគ្រូពេទ្យ អនុញ្ញាតឱ្យ​ត្រឡប់​ទៅ​លំនៅឋាន​វិញ ដោយ​ត្រូវ​បន្ត​ការធ្វើ​ច​ត្តា​ឡី​ស័ក រយៈពេល ១៤​ថ្ងៃ​។​

​មកទល់ពេលនេះ ខេត្តសៀមរាប មាន​អ្នក​វិជ្ជមាន​ជំងឺ​កូ​វីដ​-១៩ ចំនួន​៨២​នាក់ បាន​ព្យាបាល​ជា សះស្បើយ ចំនួន​៣៦​នាក់ ស្លាប់​២​នាក់ និង​៤៤​នាក់ កំពុង​សម្រាក​ព្យាបាល នៅ​មន្ទីរពេទ្យបង្អែក ខេត្តសៀមរាប​។​

​រដ្ឋបាលខេត្ត សូម​អំពាវនាវ​ឱ្យ​បងប្អូន​ប្រជាពលរដ្ឋ រស់នៅក្នុង​ខេត្តសៀមរាប សូម​បង្កើន​ការ ប្រុងប្រយ័ត្ន​ខ្ពស់ ចូលរួម​អនុវត្ត​វិធានការ​ការពារ ៣​ការពារ ៣​កុំ និង​ត្រូវអនុវត្ត​កាតព្វកិច្ច​ពាក់​ម៉ាស និង​កាតព្វកិច្ច​រក្សា​គម្លាត​សុវត្ថិភាព ជាពិសេស​ត្រូវអនុវត្ត​វិធានការ​រដ្ឋបាល និង​វិធានការ​ច​ត្តា​ឡី​ស័ក​។ បុគ្គល​ទាំងឡាយណា ប្រព្រឹត្តល្មើស​នឹង​វិធានការ​នេះ និង​ប្រឈម​ការពិន័យ​អន្តរការណ៍ ឬ​ផ្តន្ទាទោស​តាមច្បាប់ និង​លិខិតបទដ្ឋាន​គតិយុត្ត ជា​ធរមាន​។​

​អាស្រ័យ​ដូច​បាន​ជម្រាបជូន​ខាងលើ សូម​បងប្អូន​ប្រជាពលរដ្ឋ និង​សាធារណជន​ទូទៅ មេត្តា​ជ្រាប​ជា​ព័ត៌មាន និង សូម​ចូលរួម​យកចិត្តទុកដាក់ អនុវត្ត​នូវ​វិធានការ របស់​ក្រសួងសុខាភិបាល និង អនុសាសន៍​ដ៏​ខ្ពង់ខ្ពស់​របស់ សម្តេច​តេ​ជោ នាយករដ្ឋមន្ត្រី នៃ​ព្រះរាជាណាចក្រ​កម្ពុជា គឺ ៣ ការពារ (​ត្រូវ​ពាក់​ម៉ាស់ ត្រូវ​លាងដៃ​ជាមួយ​សាប៊ូ ឬ​ជែ​ល និង​ត្រូវ​រក្សា​គម្លាត​សង្គម​) ៣​កុំ (​កុំ​ចូលទៅ​កន្លែង​បិទ​ជិត​គ្មាន​ខ្យល់​ចេញ​-​ចូល កុំទៅ​កន្លែង​មាន​មនុស្ស​ច្រើន​កុះករ និង​កុំ​ប៉ះពាល់​គ្នា​)​។​

​រដ្ឋបាល​ខេត្តសៀមរាប សង្ឃឹម​យ៉ាង​មុតមាំ​ថា បងប្អូន​ប្រជាពលរដ្ឋ​ទាំងអស់ ចូលរួម​អនុវត្ត​ឱ្យ បាន​ម៉ឺង​មាត់ និង​អនុវត្ត​នូវ​វិធានការ​ការពារ របស់​រាជរដ្ឋាភិបាល និង​ការណែនាំ​របស់ ក្រសួងសុខាភិបាល​៕/V​