ដោយ:អង្គារ៍ហេង/ភ្នំពេញ: ដោយអនុវត្តតាមគោលការណ៍ដឹកនាំរបស់លោកសុខ ពេញវុធ អភិបាល នៃគណៈអភិបាលខណ្ឌដូនពេញ នៅទី១៨ ខែមិថុនា ឆ្នាំ២០២១ បានចាត់ឱ្យលោក ចាប ឌីណា នាយករដ្ឋបាលខណ្ឌ លោក ជូន វិចិត្រ អធិការរងខណ្ឌ លោក នី សាមិត្ត ប្រធានការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈខណ្ឌ និងលោក គីម វុត្ថា ប្រធានផ្នែកប្រជាការពារខណ្ឌបានចុះអនុវត្តការងារចុះរៀបចំសន្តិសុខ អនាម័យ បរិស្ថាន និងសណ្តាប់ធ្នាប់ ក្នុង មូលដ្ឋានរបស់ខ្លួន។
ក្នុងប្រតិបត្តិការ ចុះអនុវត្តការងារចុះរៀបចំសន្តិសុខនេះ មានដូចខាងក្រោម៖
១.ចុះរៀបចំសន្តិសុខ អនាម័យ បរិស្ថាន និងសណ្តាប់ធ្នាប់ តាមតម្រាយផ្លូវសម្តេចតេជោ និងគណៈប្រតិភូឆ្លងកាត់
២.ចុះរៀបចំសណ្តាប់ធ្នាប់តាមដងផ្លូវក្នុងមូលដ្ឋានខណ្ឌដូនពេញមាន មហាវិថីព្រះមុនីវង្ស មហាវិថីព្រះនរោត្តម មហាវិថីព្រះសីហនុ មហាវិថីព្រះស៊ីសុវត្ថិ មហាវិថីព្រះសុរាម្រិត ផ្លូវលេខ ៩០០, ៧០, ១១០, ១៥, ១០៦, ១០៨, ៥១, ១៣, ១៤៤, ១៤៨, ៥ និងស្ទូចរថយន្តចតឥតសណ្តាប់ធ្នាប់យកទៅរក្សាទុកនៅអធិការដ្ឋានគរបាលខណ្ឌដូនពេញចំនួន ០២គ្រឿង និងចាក់សោកង់រថយន្តទុកនៅនឹងកន្លែងចំនួន ០២គ្រឿង។ ក្រៅពីនេះ ក៏បានផ្សព្វផ្សាយណែនាំលុបបំបាត់ផ្សារក្រមួន និងមិនឱ្យមានការលក់ដូរនៅលើចិញ្ចើមផ្លូវសាធារណៈ។
៣.បានចុះប្រមូលសំរាមចេញខុសម៉ោង និងបាញ់ទឹកលាងសម្អាតតាមដេប៉ូសំរាមបណ្តោះអាសន្ន តាមសួនច្បារមុខព្រះបរមរាជវាំង រហូតដល់ផ្សាររាត្រី សួនលោកតា ក្រម ង៉ុយ ។
៤.ចុះរៀបចំបាញ់ថ្នាំសម្លាប់មេរោគ អនាម័យ បរិស្ថាន និងសណ្តាប់ធ្នាប់នៅជុំវិញ និងខាងក្នុងមណ្ឌលចាក់វ៉ាក់សាំងកូវីដ-១៩ នៅសាលាបឋមសិក្សាហាំងង៉ោស្រះចក វិទ្យាល័យ ហ៊ុន សែនប៊ុន រ៉ានីវត្តភ្នំ អនុវិទ្យាល័យ ចតុមុខ សាលាបឋមសិក្សា ព្រះនរោត្តម វិទ្យាល័យ អនុវត្ត៕
