​ដោយ​៖ ភ្នំ​ស្វាយ / បន្ទាយមានជ័យ​៖ ក្រុមការងារ​ថ្នាក់​ខេត្ត កាលពី​ថ្ងៃទី ១៨ ខែមិថុនា ឆ្នាំ​២០២១ បាន​បន្ត​ចុះសួរសុខទុក្ខ និង​ផ្តល់​ស្បៀងអាហារ ប្រចាំ​សប្តាហ៍ ដល់​ពលរដ្ឋ​ជួប​ការខ្វះខាត នៅ​មូលដ្ឋាន​ភូមិ​ឃុំ នា​ស្រុក​ស្វាយចេក ។​

​លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល ខេត្តបន្ទាយមានជ័យ និង​ជា​ប្រធាន​ក្រុមការងារ ថ្នាក់​ខេត្ត ចុះជួយ​ពង្រឹង​ស្រុក​ស្វាយចេក , លោក លឿង សុ​ភ័ក្តិ អភិបាលស្រុក​ស្វាយចេក និង​ក្រុមការងារ ថ្នាក់​ខេត្ត​, ថ្នាក់ស្រុក ចុះជួយ​ឃុំ បាន​នាំយក​អំណោយ លោកនាយ​ឧ​ត្ត​ម​សេនីយ៍ ឧបនាយករដ្ឋមន្ត្រី កែ គឹមយ៉ាន និង លោកស្រី អគ្គ​មហា​ឧបាសិកា ពុទ្ធ​សាសនូបត្ថម្ភក៍ ម៉ៅ ម៉ា​ល័យ កែ គឹមយ៉ាន រួមមាន​៖ អង្ករ ៤៥០ គីឡូក្រាម , ទឹក​សុ​ី​អុ​ី​វ ១៨​យួរ , ត្រីខ ១៨​យួរ​, មី ១៨​កេស​តូច , ទឹកត្រី ១៨​យួរ ,​ទឹក​សុទ្ធ​វី​តា​ល់ ១៨​កេស , ទឹកក្រូច ០៩​កេស និង​ថវិកា ចំនួន ៤៥០.០០០ រៀល ចែកជូន​ដល់​ប្រជាពលរដ្ឋ​ក្រីក្រ ជួប​បញ្ហា ក្នុង​ជីវភាព​ចំនួន ៩ គ្រួសារ នៅ​ឃុំ​តា​ផូ ស្រុក​ស្វាយចេក​។​

​អំណោយ​ជូន ប្រជាពលរដ្ឋ ចំនួន ៩ គ្រួសារ ក្នុង​មួយ​គ្រូ​សារ ទទួលបាន​អង្ករ ៥០ គីឡូក្រាម – ទឹក​សុ​ី​អុ​ី​វ ២​យួរ -​ត្រីខ ២​យួរ -​មី​២​កេស -​ទឹកត្រី ២​យួរ -​ទឹក​សុទ្ធ​វី​តា​ល់ ២ កេស -​ទឹកក្រូច ១​កេស -​ថវិកា ចំនួន ៥ ម៉ឺន​រៀល ៕/V​