ដោយ:គ្រញូង/បាត់ដំបង:កាលពីថ្ងៃទី ១៨​ ខែ​ មិថុនា​ ឆ្នាំ​២០២១​លោកវរសេនីយ៍ឯក​ ឈឿង ​គឹមសុង​ នាយការិយាល័យនគរបាលព្រហ្មទ័ណ្ឌកម្រិតស្រាលនៃស្នងការដ្ឋាន​និងសប្បុរសជន​លោក ហូយ លាង​ សេរីវឌ្ឍនៈ ជាអជីវករ រស់​នៅ​​ក្នុងក្រុងបាត់ដំបង នាំយកអំណោយទៅប្រគល់ជូនកងកម្លាំងនគបាលនៃអធិការដ្ឋាននគរបាលស្រុករតនមណ្ឌលដែលកំពុងមមាញឹកបំពេ​ញ​ភារកិច្ច​បម្រេីប្រជាពលរដ្ឋក្នុងមូលដ្ឋាន​។
អំណោយដែលសប្បុរសជនផ្តល់ជូនរួមមាន៖ថវិកាចំនួន ២០ម៉ឺនរៀល ម៉ាស់ចំនួន ០១កេស ស្មេីចំនួន​៥០ ប្រអប់ អាល់កុលចំនួន៣០លីត្រ ម៉ាស៊ីន
វាស់កម្ដៅ និងបាញ់អាល់កុលចំនួន២គ្រឿង។
លោកវរសេនីយ៍ឯក​ សន​ និល​ ជាអធិការនគរ​បាលស្រុករតនមណ្ឌលតំណាងឱ្យកងកម្លាំងនគរបាលក្នុងស្រុករតនមណ្ឌល​ទាំងអស់​ បានថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសរបស់លោក​ ហូយ លាង​ សេរីវឌ្ឍនៈ​ អាជីវករនៅក្រុងបាត់ដំបង​ ដែលបានផ្តល់នូវអំណោយ​ ដែលជាតម្រូវការចាំបាច់ក្នុងការប្រេីប្រាស់ប្រចាំថ្ងៃ​ ៕