ប្រែ​សម្រួលៈ​វាសនា​៖ ក្រសួង​សុខាភិបាល​វៀត​ណា​ម នៅ​ព្រឹក​ថ្ងៃអាទិត្យ​នេះ បាន​រាយការណ៍​ករណី​ឆ្លងកូវី​ដ​១៩​ក្នុង​សហគមន៍​ចំនួន​៧៦​នាក់​ទៀត ក្នុងនេះ​ជាង​ពាក់កណ្តាល​នៅ​ទីក្រុង​ហូជីមិញ​ភាគខាងត្បូង​​ពោលគឺ​៤៦​នាក់​នៅ​ក្រុង​ហូជីមិញ និង​សល់​ពី​នៅ​នេះ​ខេត្ត​ភាគ​ខាងជើង​ចំនួន​បី​។​

​វៀតណាម​កាលពី​យប់​ថ្ងៃ​សៅរ៍​ក៏​បាន​ប្រកាស​អ្នក​ឆ្លង​ថ្មី​៩០​នាក់​នៅ​១១​ទីតាំង​ផ្សេងគ្នា តែ​ក្រុង​ហូជីមិញ​ស្រូបយក​អស់​មួយ​ភាគបី គឺ​៣១​នាក់​។​

​ដោយសារ​ក្រុង​ហូជីមិញ​ឥឡូវ​ក្លាយជា​មជ្ឈមណ្ឌល​ឆ្លងកូវី​ដ​១៩​ក្នុង​សហគមន៍​ថ្មី​នៅ​វៀតណាម រាល់​សេវា​តាក់ស៊ី រថយន្តក្រុង​សាធារណៈ​និង​រថយន្តក្រុង​ឆ្លងខេត្ត ត្រូវ​ផ្អាក​ចាប់ពី​ថ្ងៃអាទិត្យ​ទី​២០​មិថុនា​​នេះ​តទៅ ដើម្បី​ជា​វិធានការ​បង្ការ​កុំអោយ​កូវី​ដ​១៩​រាលដាល​។​

​វា​ជា​លើក​ទី​២​ដែល​ទីក្រុង​ភាគ​ខាងត្បូង​នេះ ផ្អាក​សេវាគម​នា​គន៍​សាធារណៈ​ចាប់តាំងពី​កូវី​ដ​១៩​បង្ហាញ​ខ្លួន​នៅ​វៀតណាម​តាំងពី​ដើម​ឆ្នាំ​មុន​។​កាលពី​ខែ​មេសា​ឆ្នាំ​២០២០ ចំ​ពេល​ប្រទេស​អនុវត្ត​គម្លាត​​សង្គម​ទូទាំងប្រទេស មធ្យោបាយ​ទាំងនេះ​ក៏​ត្រូវបាន​ផ្អាក​ផងដែរ​។​

​សូមបញ្ជាក់​ថា កូវី​ដ​១៩​រលក​ទី​៣​បាន​ចាប់ផ្តើម​នៅ​វៀតណាម​កាលពី​ថ្ងៃ​២៧​មេសា​និង​ចាប់​តាំងពី​ពេលនោះ​មក វា​បាន​ចម្លង​មនុស្ស​៩.៧២០​នាក់​ទៅ​កាន់​៤១​ខេត្ត​ក្រុង​ក្នុងនោះ​ខេត្ត​បាក់​យ៉ាង​ភាគ​​ខាងជើង​និង​ក្រុង​ហូជីមិញ​ភាគ​ខាងត្បូង​មាន​អ្នក​ឆ្លង​ច្រើនជាងគេ ៕

​សេវា​រថយន្ត​ក្រុង​នៅ​ទីក្រុង​ហូជីមិញ​ត្រូវ​ផ្អាក​ចាប់ពី​ថ្ងៃ​២០​មិថុនា​នេះ​ទៅ ដើម្បី​ជា​វិធានការ​បង្ការ​ការរីក​រាលដាល​កូវី​ដ​១៩

​តំលៃ​អចលនទ្រព្យ​និង​ថ្លៃ​ជួល​ផ្ទះ​ធ្លាក់ចុះ​ជាប់​នៅ​ក្រុង​ហូជីមិញ​ចំ​ពេល​ផ្ទុះ​កូ​វីដ​១៩