​ប្រែ​សម្រួលៈ​វាសនា​/​វាសនា​៖ រដ្ឋាភិបាល​ហ្វីលីពីល បាន​ចុះហត្ថលេខា​ទិញ​វ៉ាក់សាំង​កូវី​ដ​១៩​ចំនួន​៤០​លាន​ដូសពី​ក្រុមហ៊ុន​Pfizer Inc/BioNTech SE នេះ​បើ​តាម​ការបញ្ជាក់​របស់​ប្រធាន​​ក្រុម​វ៉ាក់សាំង​កូវី​ដ​១៩​របស់​រដ្ឋាភិបាល​កាលពី​ថ្ងៃអាទិត្យ​។​

​លោក​កាលី​តូ ហ្កា​ល់​វេស បាន​និយាយ​នៅក្នុង​សេចក្តីថ្លែងការណ៍​ថា ការប្រគល់​វ៉ាក់សាំង​នឹង​ចាប់​ពី​ខែ​សីហា​។​

​ការចុះ​កិច្ចព្រមព្រៀង​នេះ កើត​ឡើង​បន្ទាប់ពី​ការពន្យារពេល​ប្រគល់​វ៉ាក់សាំង​នៅ​ខែ​នេះ ដែល​បង្ខំ​អោយ​ទីក្រុង​ខ្លះ​នៅ​តំបន់​រដ្ឋធានី បិទ​ទីតាំង​ចាក់​វ៉ាក់សាំង​ហើយ​ធ្វើអោយ​ស្មុគស្មាញ​ដល់​កិច្ចខិតខំ​​របស់​រដ្ឋាភិបាល​ក្រុង​ម៉ានីល​នៅក្នុង​ការបង្កើន​ការចាក់​វ៉ាក់សាំង​។​

​ជាមួយ​នឹង​កិច្ច​ព្រៀង​ព្រៀង​ចុងក្រោយ​នេះ ហ្វីលីពីន​ឥឡូវ​រកបាន​វ៉ាក់សាំង​សរុប​១១៣​លាន​ដូ​សមក​ពី​ក្រុមហ៊ុនចំនួ​ន​៥ ដូចជា​Sinovac​ចំនួន​២៦​លាន Sputnik V ចំនួន​១០​លាន​ដូស ២០​លាន​ដូស​​ពី Moderna ១៧​លាន​ដូសពី​Astrazeneca​និង​ចុងក្រោយ​៤០​លាន​ដូសពី​Pfizer​។​

​តាំងពី​មុន​មក ហ្វីលីពីន​ទើប​ចាក់​វ៉ាក់សាំង​អោយ​ប្រជាជន​ខ្លួន​បាន​ជាង​៨​លាន​នាក់​មាន​ទាំង​មួយ​ដូសនិង​ពី​រដូស​។​ប្រទេស​នេះ​មានបំណង​ចាក់​អោយ​បាន​៥០​លាន​នាក់​ទៅ​៧០​លាន​នាក់​ដើម្បី​សំរេច​​បាន​ភាពស៊ាំ​ក្នុង​សហគមន៍​៕

​តាំងពី​មុន​មក ហ្វីលីពីន​ទើប​ចាក់​វ៉ាក់សាំង​អោយ​ប្រជាជន​ខ្លួន​បាន​ជាង​៨​លាន​នាក់​