ដោយ​:​សម្បត្តិ​/​ភ្នំពេញ​:​ស្ត្រី​ជនជាតិ​កូរ៉េ​បើករថយន្ត​ម៉ាក​ឡិច​ស៊ី​ស អ​អេ​ច​៣០០​មួយគ្រឿង​បើកបរ​ក្នុង​ល្បឿន​លឿន​បុក​រះ ម៉ូតូ​និង​រថយន្ត​ពេញទំហឹង​បណ្តាលឱ្យ​ស្ត្រី​ម្នាក់​ហោះ​ផ្លោង​ជាច្រើន​ម៉ែត្រ​បណ្តាលឱ្យ​បោក​ក្បាល​ស្លាប់​ភ្លាមៗ​នៅនឹងកន្លែង កាលពី​វេលា​ម៉ោងជាង ៣ រសៀល​ថ្ងៃទី ២០ ខែមិថុនា​ស្ថិតនៅតាម​បណ្ដោយ​ផ្លូវជាតិ​លេខ ៦ ទល់ មុខ បុរី ឌឹ ផ្ល​រ៉ា ភូមិ​ក្តី ចាស់ សង្កាត់​បាក់​ខែង ខណ្ឌ ជ្រោយចង្វា ។​

​ស្ត្រី​រងគ្រោះ​ឈ្មោះ អ៊ុច សាវ៉ាត អាយុ ៣៦​ឆ្នាំ មុខរបរ​ធ្វើ សំណង់ ស្នាក់នៅ​ភូមិ​ថ្មី ឃុំ ស្វាយ​ពពាល ស្រុក​មុខកំពូល ។​

​បើតាម​ប្រភព​បានឱ្យដឹងថា នៅពេល​កើតហេតុ​ស្ត្រី​រងគ្រោះ​ជិះ​ម៉ូតូ​ពណ៌​ខ្មៅ​ពាក់​ស្លាក​លេខ​កណ្តាល 1C-7206​ធ្វើដំណើរ តាម​បណ្តោយ​ផ្លូវ​លេខ​៦​ទិសដៅ​ពី​លិចទៅ​កើត​ក្នុង​ល្បឿន​យឺត​ល្មម​។​មកដល់​ត្រង់ចំណុច​កើតហេតុ​ខាងលើ​រួច​ក៏បាន បត់​ស្តាំ​ដៃ​ក៏​ស្រាប់​តែមាន​រថយន្ត​ម៉ាក​ឡិច​ស៊ី​ស អ​អេ​ច ៣០០០ ពណ៌​ស​ពាក់​ស្លាក​លេខ សៀមរាប 2B-5954​បើករ​ដោយ ស្ត្រី​ជា​ជនជាតិ​កូរ៉េ​ធ្វើដំណើរ​តាម​បណ្តោយ​ផ្លូវ​លេខ​៦​ទិសដៅ​ពី​ជើង​ទៅ​ត្បូង​ក្នុង​ល្បឿន​លឿន​ជាន់​ហ្វ្រាំង​មិនទាន់​ក៏​ជ្រុល​បុក​ពីក្រោយ​ម៉ូតូ​ពេញទំហឹង​បណ្តាលឱ្យ​ស្ត្រី​ម្នាក់​ជា​ម្ចាស់​ម៉ូតូ​ផ្លោង​ជាច្រើន​ម៉ែត្រ​បោក​ក្បាល​នឹង ថ្នល់ បណ្តាលឱ្យ​ស្លាប់​នៅ នឹង​កន្លែង​កើត ហេតុ ។ ចំណែក ឯ រថយន្ត បង្ក មិនទាន់ អស់ ល្បឿន​ក៏ ចង្កូត​ទៅ ខាង ស្តាំ​ដៃ​ឡើងលើ​ខឿន​សួនច្បារ មុខ បុរី ឌឹ ផ្ល​រ៉ា បុក​រះ​ស្លាក​ផ្សាយ​ពាណិជ្ជ របស់ បុរី ខូចខាត​មួយ​ផ្ទាំង ។ ភ្លាមៗ នោះ​ម្ចាស់​រថយន្ត​បង្ក​បាន​ព្យាយាម ទាញ ចង្កូត រថយន្ត មក ខាង ឆ្វេង​ដៃ វិញ ក៏ ជ្រុល បន្តទៅ បុក រថយន្ត​ហុងដា ស៊ី​អវី មួយគ្រឿង​ទៀត​ពណ៌​ទឹកប្រាក់ ពាក់​ស្លាក​លេខ ភ្នំពេញ 2M-5173 កំពុងតែ​បើក​លក្ខណៈ គ្រួសារ​ប្តី ប្រពន្ធ និង ក្មួយ ស្រី ម្នាក់ ចំ​ពី​ហៀ​ង ខាងស្តាំ​ពេញទំហឹង បណ្តាល ឱ្យ​រថយន្ត​ស៊ី​អវី រង​ការខូចខាត​មួយ​ចំហៀង​ខាងស្ដាំ និង ធ្លាក់​កាង​។ រីឯ​រថយន្ដ​បង្ក​វិញ​រង​ការខូចខាត​ផ្នែក​ខាងមុខ យ៉ាងដំណំ​តែម្តង​។ ភ្លាមៗ​នោះ​សមត្ថកិច្ច​បាន​ឃាត់ខ្លួន​ស្ត្រី​ជនជាតិ​កូរ៉េ ជា​អ្នកបើកបរ​រថយន្ត​បង្ក​យកទៅ​ធ្វើការ​សាកសួរ ។​

​ក្រោយពេល​កើតហេតុ​សមត្ថកិច្ច​ជំនាញ​ចរាចរណ៍​ផ្លូវគោក​នៃ​ស្នងការដ្ឋាន​នគរបាល​រាជធានី​ភ្នំពេញ​ចុះមក​ធ្វើការ​វាស់វែង​យក រថយន្ត​ទាំងពី​គ្រឿង​និង​ម៉ូតូ​មួយគ្រឿង​យកទៅ​រក្សាទុក​បណ្តោះអាសន្ន​ដើម្បី​រង់ចាំ​ធ្វើការ​ដោះស្រាយ​គ្នា​នៅពេល​ក្រោយ​៕​សរន