​ដោយៈ ជា សីហៈ​/​ភ្នំពេញៈ នៅ​ព្រឹក​មិញ​នេះ លោក​ទេសរដ្ឋមន្ត្រី លី ធុជ អនុប្រធាន​ទី​១ អាជ្ញាធរ​មីន បានទទួល​ទាន​អាហារ​ថ្ងៃត្រង់ និង​ពិភាក្សា​ការងារ​ជាមួយ លោកស្រី ឌី​វី​យ៉ា​នី អូ​តាម ខ​ប្រា​ហ្គេ​ត ( Devyani Uttam Khobragade) ឯកអគ្គរដ្ឋទូត​ឥណ្ឌា​ប្រចាំ​កម្ពុជា​។​

​នាឱកាស​នោះ លោក ទេស​ដ្ឋ​មន្ត្រី និង​លោកស្រី​ឯកអគ្គរដ្ឋទូត​បាន​វាយតម្លៃ​ខ្ពស់​លើ​ទំនាក់ទំនង​ដ៏​យូរអង្វែង​រវាង​កម្ពុជា និង​ឥណ្ឌា និង​បានបង្ហាញ​បំណង​រួមគ្នា​ក្នុងការ​បង្កើត​នូវ​ប្រយោជន៍​បន្ថែមទៀត​សម្រាប់​ប្រទេស​ទាំងពីរ​។

​ជំនួប​នេះ​ក៏បាន​ពិភាក្សា​ប្រកបដោយ​ភាព​វិជ្ជមាន​លើ​វិស័យ​មីន​រួមមាន ការ​បោសសម្អាត​មីន​តាម​គោលការណ៍​ភូមិ​អស់​ការ​គម្រាម​ដោយសារ​មីន ការ ផ្តល់ អវយវៈ សិប្ប​និមិត្ត ដល់ ជន មាន ពិការភាព ដោយ សារ មីន និង​ជន​មាន​ពិការភាព​ផ្សេងទៀត និង​ការបណ្តុះបណ្តាល ក៏ដូចជា​លើ​ការធ្វើជា​ប្រធាន​អាស៊ាន​របស់​កម្ពុជា​ក្នុង​ឆ្នាំ​២០២២៕​