ដោយៈ ភ្នំ​ស្វាយ / បន្ទាយ​មាន​ជ័​យៈ បើតាម​ប្រកាស​របស់​សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ បានសម្រេច​តែងតាំង មុខតំណែង វរៈ​អគ្គានុរក្ស ថ្នាក់​លេខ​២ លោក ព្រឿង រ៉េត ពី​ប្រធានការិយាល័យ រដ្ឋបាល​សរុប ឡើងជា អនុប្រធាន​ពន្ធនាគារ ខេត្តបន្ទាយមានជ័យ​។

​ស្របពេល ប្រធាន និង​មន្ត្រី​អង្គភាព​នេះ បាននិងកំពុង​ពង្រឹង​ការងារ ការអប់រំ​កែប្រែ ស្តារនីតិសម្បទា ការបណ្តុះបណ្តាល​វិជ្ជាជីវៈ​នោះ ពិធី​ចូលកាន់​មុខតំណែង​នេះ បានធ្វើ​ឡើង កាលពី​ព្រឹក​ថ្ងៃទី​២៤ ខែមិថុនា នៅ​នឹង​ទីតាំង​ពន្ធនាគារ ស្ថិត​ក្នុងភូមិ ទំនប់​ជ្រៃ សង្កាត់​ទឹកថ្លា ក្រុង​សិរីសោភ័ណ ។​

​នៅក្នុង​ឱកាស​នោះដែរ ឧ​ត្ត​ម​អគ្គានុរក្ស ថ្នាក់​លេខ​២ លោក អ៊ុង ស៊ី​ផាន ប្រធាន​ពន្ធនាគារ ខេត្តបន្ទាយមានជ័យ បាន​ស្វាគមន៍ និង​ធ្វើ​របាយការណ៍​ថាៈ នាបច្ចុប្បន្ន ក្នុង​ពន្ធនាគារ​នេះ មាន​អ្នក​ជាប់ឃុំ ជាក់ស្តែង ១.៦៣៤ នាក់ / ស្រី ១០៣ នាក់ / អនីតិជន ៩០​នាក់ / ទណ្ឌិត ៣៥១ នាក់ ក្នុងនោះ​ពាក់​នឹង​ករណី គ្រឿងញៀន ច្រើនជាងគេ ។​

​លោក អ៊ុង ស៊ី​ផាន បាន​បន្តថាៈ កន្លងមក ក៏ដូចជា បច្ចុប្បន្ន សម្រាប់​ផែនការ​បន្ត អង្គភាព​បាន​បន្ត​អនុវត្ត​តួនាទី ភារកិច្ច​របស់ខ្លួន មានការ​អប់រំ​កែប្រែ ស្តារនីតិសម្បទា ការបណ្តុះបណ្តាល​វិ​ជ្ជ​ជីវៈ ការរក្សាសន្តិសុខ សណ្តាប់ធ្នាប់​ហើយ​ក៏មាន​ការងារ កសិកម្ម សិប្បកម្ម ការអភិវឌ្ឍន៍​ធនធានមនុស្ស និង​ហេដ្ឋារចនាសម្ព័ន្ធ​ការងារ​សុខា ភិ​បាល ដែល​ប្រកបដោយ​ការទទួលខុសត្រូវ​។ ប៉ុន្តែ អង្គភាព​ប្រឈម​នឹងខ្វះ​គ្រូ​បង្គោល មន្ត្រី​មាន​តិច ខ្វះ​ថវិកា​បណ្តុះ​ប​ណ្តះ​ុ​បណ្តាល ខ្វះ​អគារ​ឃុំឃាំង ដែល​កំពុង​ឃុំ ឃាំង​លើស ដែល​ពិបាក ដល់​ការគ្រប់គ្រង និង​ទណ្ឌិត​ភាគច្រើន គឺ​បទល្មើស គ្រឿងញៀន ។​

​លោក គឹ​ង វណ្ណៈ អភិបាលរង​ខេត្តបន្ទាយមានជ័យ បាន​មានប្រសាសន៍ថាៈ ក្នុងនាម​តំណាង​លោក អ៊ុំ រាត្រី អភិបាលខេត្ត លោក​សូម​ចូលរួម​ជា​ថ្នាក់លើ ដែល​បាន​ផ្សារភ្ជាប់​ផ្ទាល់ រវាង​ថ្នាក់ដឹកនាំ ជាមួយ​មន្ត្រី នៅ​អង្គភាព​ថ្នាក់ក្រោម និង​លើកទឹកចិត្ត​អោយ​ខិតខំ បន្ត​អនុវត្ត​ការងារ អោយបាន​ជោគជ័យ​ថ្មីៗ​បន្ថែម ។​

​ឧ​ត្ត​ម​ឧ​ត្ត​ម​អគ្គានុរក្ស ថ្នាក់​លេខ​១ លោក សែម ស៊ី​ណង អគ្គនាយករង​អគ្គនាយកដ្ឋាន ពន្ធនាគារ តំណាង​លោក ឆែម សាវុធ ឧ​ត្ត​ម​អគ្គានុរក្ស​ថ្នាក់​លេខ​១ អគ្គនាយក អគ្គនាយកដ្ឋាន​ពន្ធនាគា​រ បាន​មានប្រសាសន៍ថាៈ រាជរដ្ឋាភិបាល តាមរយៈ​ក្រសួង មហាផ្ទៃ បានធ្វើ​កំណែទម្រង់ ប្រព័ន្ធគ្រប់គ្រង​ពន្ធនាគារ ដើម្បី​ធ្វើអោយ​ប្រសើរឡើង នូវ​យុត្តិធម៌​។​

​លោក​បាន​ណែនាំ​នូវ​វិធានការ​មួយចំនួន ដល់​អនុប្រធាន​ថ្មី​រូបនេះ ក៏ដូចជា មន្ត្រី​ពន្ធនាគារ​នុ​រក្ស​ទាំងអស់ សំដៅ​ឆ្លើយតប​នូវ ការផ្តល់​ទំនុកចិត្ត និង​ការលើកទឹកចិត្ត ពី​ថ្នាក់លើ ក៏ដូចជា ការខិតខំ​ប្រឹងប្រែង​អនុ​វ​ត្កា​រងារ ប្រកបដោយ​ការទទួលខុសត្រូវ ក្នុងនោះ ត្រូវគោរព​ច្បាប់​ស្តីពី​ពន្ធនាគារ គោរព​ក្រមសីលធម៌ មន្ត្រីរាជការ កងកម្លាំង សាមគ្គីភាព ឯកភាព​ផ្ទៃក្នុង និង​សហការ​ល្អ ជាមួយ​អាជ្ញា​ធរមាន​សមត្ថកិច្ច​ពាក់ព័ន្ធ ៕/V​-PC