​ប្រែ​សម្រួលៈ​វាសនា​/​យ៉ាងហ្គោន​៖ មនុស្ស​ប្រមាណ​២៣០.០០០​នាក់ បាន​ភៀសខ្លួន​ចេញពី​ការប្រយុទ្ធ​គ្នា​និង​អំពើ​ហិង្សា​នៅ​មី​យ៉ាន់​ម៉ា ក្នុង​ឆ្នាំនេះ និង​ត្រូវការ​ជំនួយ នេះ​បើ​តាម​ទីភ្នាក់ងារ​មនុស្សធម៌រ​បស់​​អង្គការសហប្រជាជាតិ​បាន​និយាយ​កាលពី​ថ្ងៃ​ព្រហស្បតិ៍​។​

​មី​យ៉ាន់​ម៉ា បាន​ធ្លាក់​ក្នុង​វិបត្តិ​ចាប់តាំងពី​រដ្ឋប្រហារ​ថ្ថៃ​១​កុម្ភៈ ក្រោយ​ការបណ្តេញ​រដ្ឋាភិបាល​ជាប់​ឆ្នោត​មួយ​ដែល​នាំ​អោយ​ផ្ទុះ​ការតវ៉ា​ប្រឆាំង​នឹង​របប​យោធា​នៅ​ទូទាំង​ប្រទេស ការសម្លាប់​មនុស្ស​និង​ការ​​បំផ្ទុះ​គ្រាប់បែក ព្រមទាំង​ផ្ទុះ​ការប្រយុទ្ធ​គ្នា​រវាង​យោធា​មី​យ៉ាន់​ម៉ា​និង​ក្រុម​ប្រដាប់អាវុធ​របស់​ក្រុម​ជនជាតិភាគតិច រួមទាំង​”​កងកម្លាំង​ការពារ​ប្រជាជន​”​ដែល​ទើប​បង្កើតឡើង​ថ្មី​។​

​ការិយាល័យ​អង្គការ​សហ​ប្រជាតិ​សំរាប់​ការសម្របសម្រួលការ​ងារ​មនុស្សធម៌ បាន​និយាយថា ប្រតិបត្តិការ​ជួយសង្គ្រោះ​កំពុង​ត្រូវ​ធ្វើឡើង​តែ​ត្រូវ​រារាំង​រំខាន​ដោយ​ការប៉ះទង្គិច​គ្នា​ដោយ​អាវុធ អំពើហិង្សា​និង​​អសន្តិសុខ​ក្នុងប្រទេស​។​

​វា​បាន​និយាយថា មនុស្ស​១៧៧.០០០​នាក់​បាន​ភៀសខ្លួន​នៅក្នុង​រដ្ឋកា​រ៉េ​ន​ជាប់​ថៃ នៅ​ពេល​ជាង​២០.០០០​នាក់​ទៀត​ផ្លាស់​ទីលំនៅ​ក្នង​ជីន​ជាប់​ឥណ្ឌា ដោយសារ​ការប្រយុទ្ធ​គ្នា​រវាង​យោធា​និង​យុទ្ធជន​ក្នុង​​កងកម្លាំង​ការពារ​ប្រជាជន​។​

​មនុស្ស​រាប់ពាន់​នាក់​ទៀ​ត​ក៏​បាន​ភៀសខ្លួន​ចេញពី​ការប្រយុទ្ធ​គ្នា​នៅក្នុង​រដ្ឋកា​ជីន​ជាប់​ព្រំដែន​ចិន​និង​រដ្ឋ​សាន​៕

​ជន​ស៊ីវិល​មី​យ៉ាន់​រត់ចេញ​ពី​ភូមិ​របស់​គេ​ដែល​មាន​ការ​ប្រយុទ្ធ​គ្នា​ហើយ​ចូលមកក្នុង​ខេត្ត​តាក ប្រទេស​ថៃ​កាលពី​ថ្ងៃ​០១​មិថុនា​