​ប្រែ​សម្រួល : កញ្ញា​ដា​លី​ស ៖ អ្នកស្រាវជ្រាវ​ផ្នែក​គ្រប់គ្រង​ជំងឺ​របស់​ចិន​មួយរូប​បាន​ប្រាប់​ប្រព័ន្ធ​ផ្សព្វផ្សាយ​រដ្ឋ​ថា អង់​ទីករ ដែល​បង្កឡើង​ដោយ​វ៉ាក់សាំង​កូវី​ដ​១៩ របស់​ចិន​ចំនួន​ពីរ គឺ​មាន​ប្រសិទ្ធ​​ភាព​តិចតួច​ក្នុង​ការប្រឆាំង​នឹង​មេរោគ​កូរ៉ូ​ណា​បំប្លែង​ខ្លួនឌែ​លតា (Delta) ធៀប​នឹង​មេរោគ​បំប្លែង​ខ្លួន​ដទៃទៀត ប៉ុន្តែ​វ៉ាក់សាំង​ទាំង​ពីរ​នៅ​តែ​ផ្តល់​ការការពារ​។​

​អង្គការ​សុខភាព​ពិភពលោក​បាន​ព្រមាន​កាលពី​សប្តាហ៍​មុន​ថា មេរោគ​ឌែ​ល​តា ដែល​រកឃើញ​ដំបូង​គេ​នៅក្នុង​ប្រទេស​ឥណ្ឌា កំពុង​ឆ្លង​រាលដាល​ខ្លាំង​ឡើង​នៅ​ទូទាំង​ពិភពលោក​។​

​នៅក្នុង​បទសម្ភាសន៍​ដែល​ចាក់ផ្សាយ​ដោយ​ទូរទស្សន៍ CCTV កាលពី​ថ្ងៃ​ព្រហស្បតិ៍​ទី ២៤ ខែមិថុនា លោក​វេជ្ជបណ្ឌិត ហ្វេ​ង ជី​ចៀន ជា​អតីត​អនុប្រធាន​មជ្ឈមណ្ឌល​ចិន​សម្រាប់​ការគ្រប់គ្រង​និង​បង្ការ​ជំងឺ មិន​បាន​ផ្តល់​ព័ត៌មាន​លម្អិត​បន្ថែម​ទេ​។​

​ដោយ​មិន​បញ្ចេញ​ឈ្មោះ​វ៉ាក់សាំង​ទាំងពីរ​នេះ អ្នកស្រាវជ្រាវ​រូបនេះ​បាន​និយាយថា វ៉ាក់សាំង​ទាំងពីរ​បាន​ធ្លាក់​ចូល​ទៅ​ក្នុង​ប្រភេទ​វ៉ាក់សាំង​អសកម្ម ដែល​ផ្ទុក​វីរុស​កូរ៉ូណា​ដែល​គេ​សម្លាប់​រួច​និង​មិន​អាច​ចម្លង​​នៅក្នុង​កោសិកា​មនុស្ស​បាន​។​

​វ៉ាក់សាំង ៥ ក្នុងចំណោម ៧ ដែល​ផលិត​ក្នុងស្រុក​នៅក្នុង​ផែនការ​ចាក់​ថ្នាំ​បង្ការ​រោគ​ទ្រង់ទ្រាយ​ធំ​របស់​ចិន គឺ ជា​វ៉ាក់សាំង​អសកម្ម​។​

​វ៉ាក់សាំង​ទាំងនោះ​រួម​មាន​វ៉ាក់សាំង​មក​ពី​ក្រុមហ៊ុន Sinovac Biotech និង Sinopharm ដែល​ប្រើ​នៅក្នុង​ប្រទេស​ជាច្រើន​៕

​លោក​វេជ្ជបណ្ឌិត ហ្វេ​ង ជី​ចៀន អះអាង​ថា​វ៉ាក់សាំង​ចិន​២​ប្រភេទ​មាន​ប្រសិទ្ធភាព​តិចតួច​ប្រឆាំង​នឹង​កូវី​ដ​បំ​ប្លែងខ្លួន ឌែ​លតា