​ប្រែ​សម្រួលៈ​វាសនា​/​វ៉ាស៊ីនតោន​៖ អ្នក​ថតរូប​កាសែត​ម្នាក់​ដែល​បាន​ធ្វើដំណើរ​ជាមួយ​គណៈប្រតិភូ​របស់​ប្រធានាធិបតី​អា​ហ្វ​ហ្គានី​ស្ថាន​ទៅធ្វើ​ទស្សនកិច្ច​អាម៉េរិ​ក ត្រូវ​បាន​ពិនិត្យឃើញកូ​វីដ​១៩ នេះ​បើ​តាម​ការ​​ជូនដំណឹង​របស់​ការិយាល័យ​សុខាភិបាល​សភា​អាម៉េរិក​កាលពី​ថ្ងៃ​សុក្រ​ទី​២៥​មិថុនា​។​

​លោក​ប្រធានាធិបតី អាស​រ៉ា​ហ្វ ហ្កានី កំពុង​ស្ថិត​នៅក្នុង​រដ្ឋ​ធានី​វ៉ាស៊ីនតោន​ដើម្បី​ជួ​ប្រជុំ​ជាមួយ​ប្រធានាធិបតី​អាម៉េរិក​ចូ បៃ​ដិ​ន​និង​ដឹកនាំ​សភា​អាម៉េរិ​ក​នៅពេល​អាម៉េរិក​ត្រៀម​ដក​កងទ័ព​ចុងក្រោយ​​ចេញ​ពី​អា​ហ្វ​ហ្គានី​ស្ថាន​។​

​ប្រភព​ព័ត៌មាន​បាន​និយាយថា ទោះជា​យ៉ាងណា អ្នក​ថតរូប​វីដេអូ​រូប​នេះ​មិន​បាន​ស្ថិត​ក្នុង​កិច្ចប្រជុំ​រវាង​ប្រធានាធិបតី​អា​ហ្វ​ហ្គានី​ស្ថាននិង​ក្រុម​មេដឹកនាំ​សភា​អាម៉េរិក​ទេ តែ​បាន​ចូលរួម​ក្នុង​ពិធី​ថតរូប​​រវាង​លោក​ហ្កានី និង​ប្រធាន​សភា​លោកស្រី ណាន់​ស៊ី ផេ​ឡូ​ស៊ី ។​

​ប្រភព​ព័ត៌មាន​បាន​និយាយថា « ខាងយើង​គ្រាន់តែ​ដឹងថា គ្រប់​គ្នា​ក្នុង​គណៈប្រតិភូ​អា​ហ្វ​ហ្គានី​ស្ថាន បាន​ចាក់​វ៉ាក់សាំង​រួចរាល់​ហើយ​»​។​

​យោធា​អាម៉េរិក​បាន​សំរេចការ​ដក​ពលទាហាន​ជាង​ពាក់កណ្តាល​ហើយ​ចេញពី​អា​ហ្វ​ហ្គានី​ស្ថាន និង​គ្រោង​នឹង​បញ្ចប់​វា​នៅ​ក្នុងពេល​ប៉ុន្មាន​សប្តាហ៍​ខាង​មុខ ជាហេតុ​នាំ​អោយ​មាន​ការ​ព្រួយបារម្ភ​អំពី​ល​ទ្ធ​​ភាព​របស់​កងកម្លាំង​រដ្ឋាភិបាល​អា​ហ្វ​ហ្គានី​ស្ថានក្នុង​ការ​ទប់ទល់​នឹង​ការវាយប្រហារ​របស់​ក្រុម​បះបោរ​តា​លី​បង់​។​គណៈប្រតិភូ​អា​ហ្វ​ហ្គានី​ស្ថាន​នេះ កំពុង​ពិភាក្សា​ជាមួយ​មេដឹកនាំ​អាម៉េរិក​អំពី​សភាព​ការ​​ណ៍​ក្រោយ​អាម៉េរិ​ក​ដកទ័ព និង​ស្នើសុំ​ជំនួយ​និង​ការគាំទ្រ​ខ្លួន​៕

​ប្រធានាធិបតី​អា​ហ្វ​ហ្គានី​ស្ថាន លោក​ហ្កានី ជួបពិភាក្សា​ជាមួយ​ប្រធានាធិបតី​អាម៉េរិក ចូ បៃ​ឌិន កាលពី​ថ្ងៃ​សុក្រ​