​ប្រែ​សម្រួលៈ​វាសនា​/​ហូជីមិញ​៖​ទីក្រុង​ហូជីមិញ​ចេញ​បទបញ្ជា​គម្លាត​សង្គម​ចំនួន​១៥​ថ្ងៃ​ទៀត​ដោយ​ចាប់ផ្តើម​ពី​ថ្ងៃ​សុក្រ​ទី​៩​កក្កដា នៅពេល​ទីក្រុង​ភាគ​ខាងត្បូង​នេះ​ព្យាយាម​ទប់ស្កាត់​ការឆ្លង​រាលដាល​​ជំងឺ​កូវី​ដ​១៩​។​

​អភិបាល​ក្រុង​លោក​ង្វៀន ថាញ់ ហ្វុង បាន​និយាយ​កាលពី​ល្ងាច​ថ្ងៃ​ពុធ​ថា ការសំរេច​នេះ​ធ្វើឡើង​ដើម្បី​ធានា​សុខភាព​និង​អាយុជីវិត​អ្នក​រស់នៅក្នុង​ទីក្រុង​នេះ​។​

​បទបញ្ជា​នេះ​តំរូវ​អោយ​ប្រជាជន​នៅក្នុង​ផ្ទះ ដោយ​អាច​ចេញ​បាន​សំរាប់​ការទិញ​ស្បៀង​និង​ថ្នាំពេទ្យ ឬ​ទៅ​ធ្វើការ​នៅ​កន្លែង​ដែល​ទទួលបាន​ការអនុញ្ញាត​អោយ​បើក​។​ប្រជាជន​ត្រូវ​រក្សា​គម្លាត​ពី​គ្នា​តិច​បំផុត​២​ម៉ែត្រ ហាម​ការជួបជុំ​នៅ​ទីសាធារណៈ​លើសពី​២​នាក់ ក្រៅ​ពី​កន្លែងធ្វើការ សាលារៀន​និង​មន្ទីរពេទ្យ​។​

​គមនាគមន៍​សាធារណៈ​ភាគច្រើន​នឹង​ត្រូវ​បិទ​និង​មិន​អនុញ្ញាតអោយ​ធ្វើ​ដំណើរ​ទៅ​កន្លែង​ផ្សេងៗ​ទេ​។​អ្នក​ចេញ​ពី​ទី​ក្រង​នេះ​ទៅកាន់​ផ្នែក​ផ្សេង​ទៀត​នឹង​ត្រូវ​ធ្វើ​ចត្តា​ឡី​ស័ក​១​សប្តាហ៍ និង​តាមដាន​សុខភាព​​មួយ​សប្តាហ៍​ទៀត​។​

​ទីក្រុង​ហូជីមិញ​ឥឡូវ​កំពុង​ក្លាយជា​មជ្ឈមណ្ឌល​ផ្ទុះ​កូវី​ដ​១៩ ដោយ​ក្នុង​ការផ្ទុះ​រលក​ចុង​ក្រោយ​ចាប់ពី​ថ្ងៃ​២៧​មេសា​មក មាន​អ្នក​ឆ្លង​ជាង​៨.០០០​នាក់​។​មាន​ការឆ្លង​ជា​ចង្កោម​ធំ​ចំនួន​១១​នៅក្នុង​ទីក្រុង​នេះ​​ហើយ​ការឆ្លង​រាប់រយ​ករណី​ក្នុង​មួយ​ថ្ងៃ​ត្រូវបាន​រាយការណ៍​នៅ​ប៉ុន្មាន​ថ្ងៃ​មកនេះ​។​

​នៅ​ព្រឹក​ថ្ងៃ​ព្រហស្បតិ៍​នេះ វៀតណាម​បាន​ប្រកាស​រកឃើញ​អ្នក​ឆ្លងកូវី​ដ​១៩​ថ្មី​ចំនួន​៣១៤​នាក់​ទៀត ក្នុងនេះ ២៣៤​នាក់​នៅ​ក្រុង​ហូជីមិញ​។​

​កាលពី​ថ្ងៃ​ពុធ វៀតណាម​មាន​អ្នក​ឆ្លងកូវី​ដ​១៩​ថ្មី​សរុប ៩៩៧​នាក់ ក្នុងនេះ ៧៦៦​នាក់​នៅ​ក្រុង​ហូជីមិញ​៕

​ក្រុង​ហូជីមិញ នឹង​អនុវត្ត​វិធានការ​គម្លាត​សង្គម​លើក​ទី​២​ចាប់ពី​ថ្ងៃ​សុក្រ​ទី​៩​កក្កដា​ទៅ​ចំនួន​១៥​ថ្ងៃ បន្ទាប់ពី​ចប់​វិធានការ​លើក​ទី​១​ចំនួន​២២​ថ្ងៃ​