ដោយ​: សុខុម / ស្ទឹងត្រែង​: រដ្ឋបាលខេត្ត​ស្ទឹងត្រែង បានចេញ​សេចក្តីជូនដំណឹង ស្ដីពី​បិទ​ទីប្រជុំជន ចំណុច​វាល​ដេញ ឃុំ​អន្លង់​ជ្រៃ ស្រុក​ថា​ឡា​បរិ​វ៉ា​ត់ ខេត្តស្ទឹងត្រែង នៅ​ថ្ងៃទី​១១ ខែកក្កដា ឆ្នាំ​២០២១​។​

​ការបិទ​ទីប្រជុំជន​ដ៏​សំខាន់ ខាងលើនេះ បន្ទាប់ពី​រកឃើញ​អ្នក​វិជ្ជមាន​កូ​វីដ​១៩ នៅ​ទីតាំង​ខាងលើ​។ អាជ្ញាធរ​មិន​ឲ្យ​មានការ​ធ្វើដំណើរ ចរាចរណ៍​ចេញចូល នៅ​តំបន់​ទីតាំង​សំខាន់ ចំណុច​វាល​ដេញ លុះដល់​ពេល​មាន​សេចក្តីសម្រេច ជាថ្មី​។​

​សូមបញ្ជាក់ថា គិត​ត្រឹម​ម៉ោង ៥ ល្ងាច ថ្ងៃទី​១០ ខែកក្កដា ឆ្នាំ​២០២១ មាន​អ្នក​ឆ្លង កូ​វីដ​១៩ ថ្មី ចំនួន ២០ នាក់ ដោយ​ក្នុងនោះ មាន​អ្នកពាក់ព័ន្ធ នៅ​ចំណុច​វាល​ដេញ ឃុំ​អន្លង់​ជ្រៃ ស្រុក​ថា​ឡា​បរិ​វ៉ា​ត់ ជាច្រើន​នាក់​៕/V​-PC