ដោយៈ​អង្គា​រ៍​ហេង​/​ភ្នំពេញៈកាលពី​ថ្ងៃ​ចន្ទ ទី​១២ ខែកក្កដា​លោក ប៊ុន សុភ័ក្ត្រ អភិបាលរងខណ្ឌ លោក គីម វុត្ថា ប្រធាន​ផ្នែក​ប្រជា​ការពារ​ខណ្ឌ​ដឹកនាំ​កម្លាំង​សណ្ដាប់ធ្នាប់​ខណ្ឌ​ចុះ​រៀបចំ សណ្តាប់ធ្នាប់​តាម​ដងផ្លូវ​ក្នុង​មូលដ្ឋាន​ខណ្ឌដូនពេញ​មាន មហាវិថី​ព្រះមុនីវង្ស មហាវិថី​ព្រះ​នរោត្តម មហាវិថី​ព្រះសីហនុ មហាវិថី​ព្រះស៊ីសុវត្ថិ មហាវិថី​ព្រះ​សុរាម្រិត ផ្លូវជាតិ​លេខ​៥ ផ្លូវ​លេខ​១៣ ផ្លូវ​លេខ​១៤៤. ១០៦ .១០៨ .១៣៦ ដោយបាន​ស្ទូច​រថយន្ត​ចត​ឥត​សណ្តាប់ធ្នាប់​យកទៅ​រក្សាទុក​នៅ​អធិការដ្ឋាន​គរ​បា​លខ​ណ្ឌ​ដូនពេញ​ចំនួន​ពីរ គ្រឿង និង​ចាក់សោរ​កង់​រថយន្ត​ទុក​នៅនឹងកន្លែង​បាន​ចំនួន​ពីរ​គ្រឿង ឃាត់​រថយន្ត​ធុន​ធំ ចំនួន​ពីរ​គ្រឿង មក​រក្សារ​ទុក​នៅ​សាលាខណ្ឌ​។

​បន្ថែមទៀត​នោះ ក្រុមការងារ​រដ្ឋបាល​ខណ្ឌ​បាន​ចុះ​ធ្វើ​កំណត់ហេតុ​ណែនាំ​ឲ្យ​កាត់​សំ​យ៉ាប​របស់​ឃ្លាំង​លក់​រថយន្ត​ចេញ និង​បាញ់ថ្នាំ​កណ​ត់​ឲ្យ​ប្រើប្រាស់​ចិញ្ចើមផ្លូវ​១​ភាគ​៣ ជា​បណ្តោះអាសន្ន នៅ​ឃ្លាំង​រថយន្ត​តាម​បណ្ដោយ​ផ្លូវ​លេខ​១០២ និង​ផ្លូវ​លេខ​៦៧ បាន​ចំនួន ១០​ទីតាំង​៕​/PC