​ប្រែ​សម្រួល​៖​វាសនា​/​បាងកក​៖ ក្រសួង​សុខាភិបាល​ថៃ​កាលពី​ថ្ងៃ​ព្រហស្បតិ៍​ទី​២៩​កក្កដា​បាន​ប្រកាស​អាសន្ន​អំពី​ការខ្វះ​គ្រែ​សំរាប់​ទទួល​អ្នកជំងឺ​កូវី​ដ​១៩​នៅ​តាម​មន្ទីរពេទ្យ​និង​មណ្ឌល​ចត្តា​ឡីស័​កនៅ​​ក្នុង​ក្រុង​បាងកក​នៅពេល​អ្នកជំងឺ​កូវី​ដ​១៩​ស្លាប់​កើនឡើង​ដល់​កំរិត​ខ្ពស់​បំផុត​មិន​ដែល​មាន​។​

​កំពុង​រង​ការវាយប្រហារ​ដោយ​វីរុស​បំប្លែង​ខ្លួន​ចម្លង​លឿន​Delta ថៃ​ជួប​ការឆ្លង​កើនឡើង​ដូច​កាំជ្រួច​ដោយ​កាលពី​ថ្ងៃ​២៩​កក្កដា​ម្សិលមិញ ឆ្លង​១៧.៦៦៩​នាក់​និង​ស្លាប់​ដល់​ទៅ​១៦៥​នាក់​។​

​ក្នុងចំណោម​អ្នកជំងឺ​កូវី​ដ​១៩​ស្លាប់​ម្សិលមិញ មាន​២១​នាក់​ស្លាប់​នៅតាម​ផ្ទះ​តែ​នៅតាម​ខេត្ត​។​

​ថ្ងៃ​សុក្រ​ទី​៣០​កក្កដា​នេះ ថៃ​បាន​រាយការណ៍​អ្នក​ឆ្លង​ថ្មី​១៧.៣៤៥​នាក់​ទៀត និង​អ្នកជំងឺ​១១៧​នាក់​ទៀត​បាន​ស្លាប់​នៅ​២៤​ម៉ោង​កន្លងទៅ​។​

​សំ​សាក់ អាកាស៊ី​ល អគ្គនាយក​នៃ​នាយកដ្ឋាន​សេវា​វេជ្ជសាស្ត្រ​របស់​ក្រសួង​សុខាភិបាល បាន​និយាយថា​«​និយាយ​ដោយ​ស្មោះ យើង​អត់​មាន​គ្រែ​គ្រប់គ្រាន់​ទេ​នៅ​តាម​មន្ទីរពេទ្យ​។​នៅតាម​ពេទ្យ​​ធំៗ គ្រប់​បន្ទប់​ព្យាល​បាល​ដិតដល់​(ICU)​ពេញ​អស់ហើយ​…​។​ពេទ្យ​ក្នុង​បាងកក​អាច​ទទួល​អ្នកជំងឺ​ថ្មី​បានត្រឹមតែ​១.០០០​នាក់​ក្នុង​មួយថ្ងៃ តែ​កាលពី​ថ្ងៃ​ព្រហស្បតិ៍​ក្រុង​បាងកក​មាន​អ្នក​ឆ្លង​ថ្មី​​ប្រមាណ​៤.០០០​នាក់​។​ក្នុងពេល​ជាមួយគ្នា បណ្តា​មណ្ឌល​ចត្តា​ឡី​ស័ក​ក្នុង​ទីក្រុងក៏​ពេញ​ហើយ​អាជ្ញាធរ​កំពុងធ្វើការ​ជាមួយ​មន្ទីរពេទ្យ​ដើម្បី​រំដោះ​អ្នកជា​ឬ​អ្នកជំងឺ​ស្រាល​ចេញ​ដើម្បី​មាន​គ្រែ​បំរុង​ខ្លះ​។​

​អាជ្ញាធរ​ថៃ​លើកទឹកចិត្ត​អោយ​អ្នកជំងឺ​កូវី​ដ​១៩​ស្រាលៗ​ព្យាល​បាល​នៅតាម​ផ្ទះ តែ​ក៏​មាន​បញ្ហា​នៃ​ការផ្គត់ផ្គង់​ឳ​សថ​ទៅ​ដល់​ពួកគេ​ផង​ដែរ​ណិង​សេចក្តិរាយការណ៍​កាន់​តែ​ច្រើន​អំពី​អ្នកជំងឺ​ស្លាប់​​នៅតាម​ផ្ទះ​៕

​អ្នកស្ម័គ្រចិត្ត​ពិនិត្យ​មើ​ក​ស្ថានភាព​អ្នកជំងឺ​កូវី​ដ​១៩​នៅ​ផ្ទះ​មួយ​នៅ​ជាយក្រុង​បាងកក​