ដោយៈ​ប​.​ខុន​/​ភ្នំពេញៈសម្ពាធ​ទាប​សកម្ម​( Active )​ស្ថិតនៅ​ចុង​នៃ​ប្រព័ន្ធ​សម្ពាធ​ទាប​( ITCZ ) នឹង​បង្កើន​ឥទ្ធិពល​ទៅជា​វិ​សម្ពាធ​(TD )​នៅក្បែរ​កោះ​ហៃណាំ អាច​ក្លាយទៅជា​កូន ព្យុះ​ទី​៩​ដើរទៅ​ហុងកុង ស្របពេល​ខ្យល់មូសុង​និរតី​បង្កើន​ឥទ្ធិពល​បង្កឱ្យមាន​ទឹក ភ្លៀង​ធ្លាក់​រាយប៉ាយ​ល្អ​កម្រិត​ពី​មធ្យម​ទៅ​បង្គួរ​នៅក្នុង​សប្តាហ៍​នេះ​។​
លោក ចាន់ យុ​ត្ថា អ្នកនាំពាក្យ​និង​ជា​រដ្ឋលេខាធិការ ក្រសួង​ធនធានទឹក​និង ឧតុនិយម​បាន​ប្រាប់ ឱ្យ​រស្មី​កម្ពុជា​ដឹង​នៅ​ថ្ងៃទី​២​ខែសីហា​ថា ប្រព័ន្ធ​សម្ពាធ​ទាប (ITCZ)​កើតមាន​ឡើងវិញ​ហើយ ដោយ​លាតសន្ធឹង​កាត់​លើ​ប្រទេស​ភូមា ឡាវ និង វៀតណាម​ខាងកើត​ទៅជា​ប់​ជាមួយនឹង​សម្ពាធ​ទាប​សកម្ម​( Acvive )​មួយ នៅក្នុង សមុទ្រ​ក្បែរ​កោះ​ហៃណាំ​។​
អ្នកនាំពាក្យ​ក្រសួង​ជំនាញ​ខាងលើ​និយាយ​ឱ្យដឹងទៀតថា​ប្រព័ន្ធ​សម្ពាធ​ទា ប​ដែល​កើតមាន​ខាងលើ​មិន​បង្កឱ្យមាន​ភ្លៀង​ច្រើន នៅ​តំបន់​អាង​ទន្លេមេគង្គ​លើ ទេ​ហើយ​វា​នឹង​ដាច់​ទៅវិញ ពេល​សម្ពាធ​ទាប​សកម្ម​បង្កើន​ឥទ្ធិពល​ទៅ ជា​វិ​ស ម្ពា​ធ (TD) រួច​ក្លាយទៅជា​កូន​ព្យុះ ទី​៩​នៅក្បែរ​កោះ​ហៃណាំ ដោយ​ដើរ​សសៀរ ឡើង​ទៅរក​ហុងកុង​។ លោក ចាន់ យុ​ត្ថា បាន​បញ្ជាក់ថា​ស្របពេល​បាតុភូត​ខាងលើ​កើតឡើង​ខ្យល់ មូសុង​និរតី​ក៏បាន​ចាប់ផ្តើម​បង្កើន​ឥទ្ធិពល​មកវិញ​នៅ​ថ្ងៃទី​៣​ខែសីហា ធ្វើឱ្យមាន​ភ្លៀ ង​ធ្លា​ក់រាយ ប៉ាយ​ល្អ​ក្នុង​កម្រិត​ពី​មធ្យម​ទៅ​បង្គួរ​នៅ​ទូទាំងប្រទេស អំឡុង​ពីថ្ងៃ​ទី​៤ ដល់ទី​៨ ខែសីហា​។​


ទោះជា​យ៉ាងណា​ការធ្លាក់​ភ្លៀង​ក្នុង​សប្តាហ៍​នេះ លោក​ចាន់ យុ​ត្ថា និយាយ ថា​មិន​បង្ក​ឱ្យ​ទឹកទន្លេ​មេគង្គ​ងើបឡើង​ខ្លាំង​នោះទេ គឺ​គ្រាន់តែ​ជា​ភ្លៀង​ចិញ្ចឹម​ទន្លេ មិនឱ្យ​ទឹក​ស្រក​ទៅវិញ​ខ្លាំង​ប៉ុណ្ណោះ​។​
​ព្រឹត្តិប័ត្រ​ព័​ត៍​មាន និង ព្យាករណ៍​កម្ពស់​ទឹក ដែល​ចេញផ្សាយ ដោយ ក្រ​សួ ង ធន ធាន ទឹក​និង​ឧតុនិយម​នៅ​ថ្ងៃទី​២​ខែ​បង្ហាញឱ្យឃើញថា នៅ​ខេត្តស្ទឹងត្រែង ទឹក មាន​កម្ពស់​៧,១៥​ម៉ែត្រ​ទាប​ជាង​ថ្ងៃទី​០១​ខែសីហា​០,០៩​ម៉ែត្រ នៅ​ខេត្តក្រចេះ​ទឹក មាន​កម្ពស់​១៦,២៣​ម៉ែត្រ ទាប​ជាង​ថ្ងៃទី​០១​ខែសីហា ០,០២​ម៉ែត្រ នៅ​ខេត្ត​កំពង់ ចាម​ទឹក​មាន​កម្ពស់​១០,១២​ម៉ែត្រ ខ្ពស់ជាង​ថ្ងៃទី​០១​ខែសីហា​០,១៥​ម៉ែត្រ នៅ​រាជ ធានី ភ្នំពេញ​ទឹក​មាន​កម្ពស់​៥,៧១​ម៉ែត្រ ខ្ពស់ជាង​ថ្ងៃទី​០១​ខែសីហា​០,០៦​ម៉ែត្រ នៅ អ្នក​លឿង​ទឹក​មាន​កម្ពស់​៤,០៤​ម៉ែត្រ ខ្ពស់ជាង​ថ្ងៃទី​០១​ខែសីហា​០,០៦​ម៉ែត្រ នៅ ទន្លេបាសាក់​កោះ​ខែល​ទឹក​មាន​កម្ពស់​៥,២៤​ម៉ែត្រ ខ្ពស់ជាង​ថ្ងៃទី​០១​ខែសីហា ០,០៧​ម៉ែត្រ នៅ​ទន្លេសាប​ព្រែក​ក្តាម​ទឹក​មាន​កម្ពស់​៤,៦៣ ម៉ែត្រ​ខ្ពស់ជាង​ថ្ងៃទី​០១ ខែសីហា​០,០៨​ម៉ែត្រ នៅ​បឹង​ទន្លេសាប​កំពង់​លួង​ទឹក​មាន​កម្ពស់​៨,០៨​ម៉ែត្រ ខ្ពស់ ជាង​ថ្ងៃទី​០១​ខែសីហា​០,១០​ម៉ែត្រ​។​
​តាម​ព្រឹត្តិបត្រ​ព័​ត៍​ដដែល​សម្រាប់​ថ្ងៃទី​៥​ខែសីហា​នៅ​ខេត្ត​ស្ទឹង ត្រែង​ទឹក​អាច ស្រក់​មក​នៅ​កម្ពស់​៦,៦៩​ម៉ែត្រ នៅ​ខេត្តក្រចេះ​ទឹក​អាច​ស្រក​មក​នៅ​កម្ពស់ ១៥,៨៥​ម៉ែត្រ នៅ​ខេត្តកំពង់ចាម​ទឹក​អាច​ស្រក​មក​នៅ​កម្ពស់​៩,៨៩​ម៉ែត្រ នៅ​រាជធានី​ភ្នំពេញ​ទឹក​អាច​ស្រ​កម​កនៅ​កម្ពស់​៥,៦៩​ម៉ែត្រ​៕​.mara