ដោយៈ គង់​ហេង​/ កំពង់ចាមៈ នៅ​ថ្ងៃទី ២ សីហា​នេះ​ជំងឺ​កូ​វីដ ១៩ រដ្ឋបាលខេត្ត​កំពង់ចាម​បានប្រកាស​ព័ត៌មាន​ថា មាន​អ្នកស្លាប់​ថ្មី​ម្នាក់ទៀត​, រកឃើញ​អ្នក​ឆ្លង​ថ្មី​ចំនួន ៣៨ នាក់ និង​អ្នក​សះស្បើយ​ចំនួន ៤៩ នាក់ កាលពី​ថ្ងៃទី ១ ខែសីហា ម្សិលមិញ​។​

​អ្នក​ដែល​បាន​ស្លាប់បាត់​បង់ជីវិត​ថ្មី​កាលពី​រសៀល​ថ្ងៃទី ៣១ ខែកក្កដា​ជា​ស្ត្រី​អាយុ ៧៩ ឆ្នាំឈ្មោះ លន់ វ៉ាត នៅ​ភូមិ​បុសថ្លាន់ ឃុំ​ស្វាយទាប ស្រុក​ចម្ការលើ​។ មរណភាព​នេះ​បាន​នាំឱ្យ​ខេត្តកំពង់ចាម​មាន​ចំនួន​អ្នកស្លាប់​សរុបមក​ដល់​ពេលនេះ​ចំនួន ៩២ នាក់​។​

រីឯ​អ្នក​ឆ្លង​ថ្មី​ចំនួន ៣៨ ឆ្នាំ​បា​នប​ញ្ជួ​ន​ទៅ​ព្យាបាល​នៅ​មន្ទីរពេទ្យ​មេគង្គ​កំពង់ចាម និង​កន្លែង​ព្យាបាល​កម្រិត​ស្រាល​នៅ​វិទ្យាល័យ​ព្រះសីហនុ គឺ​អ្នកជំងឺ​កំពុង​ព្យាបាល​ចំនួន ៨៤៣ នាក់ និង​អ្នក​ឆ្លង​សរុប​ចំនួន ៤.០០០ នាក់​។​
ចំណែក​អ្នកជា​សះស្បើយ​ចំនួន ៤៩ នាក់​វិញ​ត្រូវបាន​ក្រុមគ្រូពេទ្យ​យក​សំណាក់​ធ្វើតេស្ត​ដែល​ទទួលលទ្ធផល​វិជ្ជមាន​កូ​វីដ ១៩ ចំនួន ពីរ លើក ក៏​សម្រេច​ឱ្យ​ចេញពី​មន្ទីរពេទ្យ​។ សរុប​អ្នកជា​សះស្បើយ​ចំនួន ៣.០៦៥ នាក់​៕​សរន​