​ប្រែ​សម្រួលៈ​វាសនា​/​បាងកក​៖ ក្រសួង​សុខាភិបាល​ថៃ​នៅ​ព្រឹក​ថ្ងៃ​អង្គារ​ទី​៣​សីហា​នេះ​បាន​រាយការណ៍​អ្នកជំងឺ​កូវី​ដ​១៩​ស្លាប់​ចំនួន​១៤៧​នាក់ និង​មនុស្ស​១៨.៩០១​នាក់​ទៀត​ឆ្លង​ជំងឺ​នេះ​នៅ​២៤​ម៉ោង​កន្លងទៅ​។​

​នៅ​២៤​ម៉ោង​កន្លង​ទៅ​អ្នកជំងឺ​កូវី​ដ​១៩​ចំនួន​១៨.៥៩០​នាក់​ក៏​បាន​ជា​ចេញ​ពី​មន្ទីរពេទ្យ​ផងដែរ​។​

​សូមបញ្ជាក់​ថា ចាប់តាំងពី​ថ្ងៃ​០១​មេសា​មក​ពេល​ការផ្ទុះកូ​វីដ​១៩​រលក​ទី​៣​បានចាប់ផ្តើម ថៃ​មាន​អ្នក​កើតកូ​វីដ​១៩​ចំនួន​៦២៣.៣២២​នាក់ តែ​ជាង​៤០០.០០០​នាក់​បាន​ជា​ពី​ជំងឺ​និង​៥.២២១​នាក់​បាត់បង់​ជីវិត​។​

​ពាក់ព័ន្ធ​នឹង​កូវី​ដ​១៩​នេះដែរ ចាប់ពី​ថ្ងៃ​អង្គារ​នេះ​ទៅ​អាជ្ញាធរ​នឹង​បិទ​ខ្ទប់​ខេត្ត​ចំនួន​១៦​បន្ថែម​លើ​ខេត្ត​ក្រុង​ចំនួន​១៣​ដែល​ស្ថិត​ក្រោម​ការ​រឹតបន្តឹង​ស្រាប់ តែ​ប្រជាជន​ក្នុង​១៦​ខេត្ត​នេះ​នឹង​ទទួល​ការឧបត្ថម្ភ​ប្រាក់​ដូចគ្នា​នឹង​អ្នក​ស្ថិត​ក្នុង​ការបិទ​ខ្ទប់​មុន​ដែរ​។​

​ខេត្ត​១៦​ថ្មី​ដែល​នឹង​ស្ថិត​ក្រោម​ការបិទ​ខ្ទប់​មួយ​ផ្នែក​រួមមាន​Kanchanaburi, Samut Songkhram, Suphan Buri, Phetchaburi, Prachuap Khiri Khan, Ratchaburi, Ang Thong, Nakhon Nayok, Prachin Buri, Lop Buri, Rayong, Sing Buri, Saraburi, Nakhon Ratchasima, Phetchabun និង Tak៕

ការអង្កេតមួយបង្ហាញថា ប្រជាជនថៃព្រួយបារម្ភខ្លាំងបំផុតអំពីជំងឺឆ្លងកូវីដ១៩