​ប្រែ​សម្រួលៈ​វាសនា​/​ហាណូយ​៖ រដ្ឋាភិបាល​វៀតណាម​បាន​បញ្ជា​អោយ​កាត់​បន្ថយថ្លៃ​សេវា​ទឹក​ភ្លើង​និង​សេវា​ទូរគមនាគមន៍​(​ទូរស័ព្ទ អ៊ី​ន​ធើ​ណិ​ត​…)​ដើម្បី​ជួយ​គ្រួសារ​នៅ​ក្នុង​តំបន់​ដែល​អនុវត្ត​គម្លាត​​សង្គម​សំរាប់​ទប់ស្កាត់​ការរីក​រាលដាល​ជំងឺ​កូវី​ដ​១៩​។​

​គ្រួសារ​នៅ​ក្នុង​តំបន់​បិទ​ខ្ទប់​ទាំងអស់​រួមមាន​ទីក្រុង​ហូជីមិញ​និង​ហាណូយ​នឹង​ទទួល​ផលប្រយោជន៍​ពី​ថ្លៃ​ទឹក​ភ្លើង​និង​ទូរគមនាគមន៍​ថោក​ជាង​មុន​។​

​វៀតណាម​កំពុង​ស្ថិត​ចំ​កណ្តាល​នៃ​ការផ្ទុះកូ​វីដ​១៩​ដ៏​អាក្រក់​បំផុត​ដែល​ខ្លួន​មិន​ដែល​ជួប​ពីមុន​។​ចាប់តាំងពី​ចុង​ខែ​មេសា​មក ប្រទេស​នេះ​បាន​កត់ត្រា​ឃើញ​អ្នក​ឆ្លង​១៥៣.៦២១​នាក់​នៅ​៦២​ខេត្ត​​ក្រុង​ក្នុងចំណោម​ខេត្ត​ក្រុង​៦៣​របស់​ប្រទេស​។​

​កាលពី​យប់​ថ្ងៃ​ចន្ទ អាជ្ញាធរ​បាន​រកឃើញ​អ្នក​ឆ្លង​៤.២៤៧​នាក់​ទៀត នាំ​អោយ​ការឆ្លង​ពេញ​មួយ​ថ្ងៃ​ឡើងដល់​៧.៤៤៥​នាក់​៕

​បុរស​ម្នាក់​រស់នៅ​ក្នុង​ការបិទ​ខ្ទប់​ក្រុង​ហូជីមិញ ទទួល​អាហារ​ពី​សប្បុរសជន​។​គ្រួសារ​មាន​ចំណូល​ទាប​កំពុង​រងគ្រោះ​ខ្លាំង​ពី​វិធានការ​បិទ​ខ្ទប់​

​អាជ្ញាធរ​ទីក្រុង​ហាណូយ​នឹង​ចែក​ស្បៀង​ដល់​អ្នកក្រីក្រ និង​សហគមន៍​រង​ផល​ប៉ះពាល់​ពី​វិធានការ​គម្លាត​សង្គម​ប្រឆាំង​កូវី​ដ​១៩