ដោយៈ រិទ្ធិសែន / ពោធិ៍សាត់ៈ តាមបណ្តឹងពីបទ រំលោភសេពសន្ថវៈលើអនីតិជន នគបាលស្រុកវាលវែង បានឃាត់ខ្លួនជនសង្ស័យមា្នក់ ហើយឃុំខ្លួននៅអធិការដ្ឋាន នគរបាល ស្រុកវាលវែង តាមបញ្ជាព្រះរាជអាជ្ញា អមសាលាដំបូង ខេត្តពោធិ៍សាត់ ដើម្បីស៊ើបអង្កេត ស្រាវជ្រាវបន្ដ តាមនីតិវិធី ក្រោយពេលជនសង្ស័យបានសារភាព រួចមក។
អធិការនគរបាលស្រុកវាលវែង លោកវរៈសេនីយ៍ឯក ធាងឡេង បានឲ្យដឹងនៅថ្ងៃទី៣ សីហានេះថាៈ នៅវេលា ម៉ោងជាង ៣ រសៀល ថ្ងៃទី២ ខែសីហា ឆ្នាំ២០២១ ម្សិលមិញ សមត្ថកិច្ចប៉ុស្តិ៍នគរបាល រដ្ឋបាលក្រពើពីរ បានទទួលពាក្យបណ្តឹង ពីឈ្មោះ ប៉ាន សុខខឿន ភេទស្រី អាយុ ៣៨ ឆ្នាំ រស់នៅចំណុច បឹងរំលេច ភូមិសំឡាញ់ ឃុំក្រពើពីរ ស្រុកវាលវែង បានដាក់ពាក្យប្តឹងឈ្មោះ ឆែម សុខថន ភេទប្រុស អាយុ ៣៦ ឆ្នាំ រស់នៅភូមិឃុំស្រុក ខាងលើ ថាបានប្រព្រឹត្តអំពើ រំលោភសេពសន្ថវៈទៅលើកូនស្រី របស់គាត់ ឈ្មោះ វ.ស.ន. អាយុ ១០ ឆ្នាំ ចំនួន ៥ លើក។
នៅរសៀល ថ្ងៃទី៣ សីហា ២០២១ថាៈ ខាងលោក បានទទួលពាក្យបណ្ដឹង សមត្ថកិច្ចនគបាលប៉ុស្តិ៍រដ្ឋបាល បានចុះឃាត់ខ្លួនជនសង្ស័យម្នាក់ នៅម៉ោង ៦និង១០នាទី ល្ងាចថ្ងៃទី២ ខែសីហា ឆ្នាំ២០២១ ហើយបាននាំខ្លួនជនសង្ស័យមក កាន់អធិការដ្ឋាននគរបាលស្រុក ដើម្បីធ្វើការសាកសួរ។
នៅចំពោះមុខសមត្ថកិច្ច ជនសង្ស័យ បានឆ្លើយសារភាពថាៈ កន្លងមករូបខ្លួនបាន ឲ្យប្រាក់ ជាញឹកញាប់ ទៅក្មេងស្រីរងគ្រោះ បន្ទាប់ពីឲ្យប្រាក់រួចរូបខ្លួនបាននាំទៅធ្វើ សកម្មភាពរំលោភ ទៅលើក្មេងស្រីរងគ្រោះ បានចំនួន ៥ ទៅ ៦ លើក ។
ក្រោយការសាកសួររួច បច្ចុប្បន្ន ជនសង្ស័យ ត្រូវបានសមត្ថកិច្ចឃាត់ខ្លួននៅអធិការ ដ្ឋាននគរបាល ស្រុកវាលវែង តាមបញ្ជាព្រះរាជអាជ្ញា អមសាលាដំបូងខេត្តពោធិ៍សាត់ ដើម្បីស៊ើបអង្កេតស្រាវជ្រាវបន្ដ តាមនីតិវិធី៕/V-PC
