ដោយៈ​ប​.​ខុន​/ ភ្នំពេញៈ​គម្រោង​អភិវឌ្ឍន៍​សំណង់​ស្ទាក់​ទឹក​សាលា​តា​អន កាត់​ស្ទឹង​សង្កែ ស្ថិតនៅ​ខាងក្រោម​ក្រុង​បាត់ដំបង​ដែល​គ្រោង​ចំណាយ​ថវិកា​អស់ ប្រមាណ​ជា ៤១ លាន ដុល្លារ​សម្រេចបាន​លទ្ធ​ផល​ប្រមាណ​ជា​៩០​ភាគរយ​ហើយ​គ្រោង​នឹង​បញ្ចប់ នៅ​ចុងឆ្នាំ​២០២១​នេះ​។​

លោក​ចាន់ យុ​ត្ថា អ្នកនាំពាក្យ​និង​ជា​រដ្ឋលេខាធិការ​ក្រសួង​ធនធានទឹក និង ឧតុនិយម​ប្រាប់​ឱ្យ​រស្មី​កម្ពុជា​ដឹង​នៅ​ថ្ងៃទី​៣​ខែសីហា​ឆ្នាំ​២០២១​ថា គម្រោង​អភិវឌ្ឍន៍​សំណង់​ស្ទាក់​ទឹក​សាលា​តា​អន​កាត់​ស្ទឹង​សង្កែ​នៅ​ផ្នែក​ខាងក្រោម​នៃ​ក្រុង​បាត់ដំបង ក្នុង ភូមិ​ព្រែ​កតា​ច្រែង ឃុំ​ព្រែក​នរិន្ទ ស្រុក​ឯក​ភ្នំ ខេត្តបាត់ដំបង​មកទល់​ពេល នេះ ថ្ងៃទី​២៣​ខែសីហា សម្រេច​លទ្ធផល​ការងារ​បាន​ប្រមាណ​៩០​ភាគរយ​នៃ​គម្រោង ហើយ​។​

គម្រោង​អភិវឌ្ឍន៍​សំណង់​ស្ទាក់​ទឹក​សាលា​តា​អន​កាត់​ស្ទឹង​សង្កែ​នេះ ត្រូវ បាន អ្នកនាំពាក្យ​ក្រសួង​ជំនាញ​ខាងលើ​បញ្ជាក់ថា​បានចាប់ផ្តើម អនុវត្ត កាលពី​ខែ មិថុនា ឆ្នាំ​២០១៨​ដោយ​គ្រោង​បញ្ចប់​នៅ​ចុងឆ្នាំ​២០២១​នេះ ,​ជា​គម្រោង​ប្រើប្រាស់ ហិរញ្ញប្បទាន​បានមកពី​សាធារណៈរដ្ឋ​កូរ៉េ​និង​ថវិកាបដិភាគ​របស់​រា​ជ​រដ្ឋាភិបាល សរុប​ចំនួន​ប្រមាណ​ជា​៤១​លាន​ដុល្លារ​ដើម្បី​ស្ទាក់​ទឹកស្ទឹង​សង្កែ​ទុក​សម្រាប់ បម្រើ ដល់​ការ ស្រោចស្រព​និង​ប្រើប្រាស់​នៅ​ក្រុង​បាត់ដំបង​។​

គម្រោង អភិវឌ្ឍន៍ សំណង់ ស្ទាក់ ទឹក សាលា តា​អន​នេះ​រួមមាន ការសាងសង់ ប្រឡាយ ពង្វាង ទឹក តាម មាត់ ស្ទឹង សង្កែ​ប្រវែង​២៥០​ម៉ែត្រ សាងសង់ សំណង់ ទ្វារ ទឹក មេ កាត់ ស្ទឹង សង្កែ​ប្រវែង​៧៤​ម៉ែត្រ​មួយកន្លែង សាងសង់ ប្រឡាយ បេតុង​ចំនួន ៤​ខ្សែ​ប្រវែង ១៣.៧៨០​ម៉ែត្រ សាងសង់ សំណង់ ទ្វារ ទឹក​ចំនួន​១២​កន្លែង សាង សង់ សំណង់ ស្ទាក់ ទឹក ប្រឡាយ រង​ចំនួន​២​កន្លែង សាងសង់ សំណង់ លូ ចែកចាយ ទឹក ប្រឡាយ មេ​ចំនួន​៨​កន្លែង សំណង់ ស្ពាន ឆ្លងកាត់ និង ស្ពាន ថ្មើរជើង កាត់ ប្រឡាយ មេ​សរុប ចំនួន​១៨​កន្លែង និង សាងសង់ ជណ្តើរ ចុះ ប្រឡាយ មេ សម្រាប់ អ្នកភូមិ ប្រើ ប្រាស់​ជា ច្រើន កន្លែង ទៀត ។​

ក្រោយពេល​សាងសង់​រួច​គម្រោង​នេះ ផ្តល់​ទឹក​សម្រាប់​ស្រោចស្រព​លើ​ផ្ទៃ ដី ស្រូវ វស្សា​ចំនួន​១៥.០០០​ហិកតា និង ផ្ទៃដី​ស្រូវប្រាំង​ចំនួន​៧.០០០​ហិកតា នៅ ក្នុងស្រុក​ឯក​ភ្នំស្រុក​សង្កែ និង​ស្រុក​ថ្ម គោល ។ គម្រោង​នេះ​ធ្វើឱ្យ​ស្ទឹង​សង្កែ​មាន ទឹក​នៅក្នុង​រដូវប្រាំង​ក៏ដូចជា​រដូវវស្សា គឺមាន​ទឹក​ផ្គត់ផ្គង់​ដល់​ការផលិត​ទឹកស្អាត សម្រាប់​ប្រើប្រាស់​នៅក្នុង​ទីក្រុង បា ត់ ដំបង និង​លើកកម្ពស់​សោភ័ណភាព​ក្រុង បា ត់​ដំបង​ឱ្យ កាន់តែ​មាន​ភាព​ទាក់ ទាញ ជាង​មុន​ថែម ទៀតផង​។​

គម្រោង​អភិវឌ្ឍន៍​សំណង់​ស្ទាក់ ទឹក សាលា​តា​អន​នេះ​គឺជា​គម្រោង​ទី​បី​ដែល រាជរដ្ឋាភិបាល​តាមរ​យៈ​ក្រសួង​ធនធានទឹក​និង​ឧតុនិយម​បាន​សាង​សង់កាត់​ស្ទឹង​សង្កែ ដើម្បី​ទាញ យក​ទឹក​ដែល​ធ្លាប់តែ​ធ្លាក់​ចូលទៅ​បឹង​ទន្លេសាប​ទុក​សម្រាប់ ប្រើ ប្រាស់​នៅ​តំបន់ ដាំ ដុះ​សងខាង​ស្ទឹង ,​ដោយ​គម្រោង​ទី​១​មាន ឈ្មោះ​ក​ង្ហ​ត​ក្នុង ស្រុក បាណន់​,​គ​ម្រោ ង ទី​២​ឈ្មោះ​សេក​សក​នៅក្នុង​ស្រុក​រត​នៈ​មណ្ឌល​និង​មាន គម្រោង ទី​៤​មួយទៀត ដែល កំពុង​សិក្សា និង ឈានទៅ​ធ្វើការ​សាង សង់​អាងទឹក​មួយ​នៅ ស្ទឹង​ក្រញូង នៃ ក្បា ល​ស្ទឹង​សង្កែ​មាន លទ្ធភាព​ស្តុក​ទឹក បាន​ប្រមាណ​ជា​២០០ លា ន ម៉ែត្រគូប​៕​