ដោយៈសុផល / ភ្នំពេញ៖ រថយន្តដឹកវ៉ាក់សាំងកូវីដ-១៩ ចំនួន ១៣ គ្រឿង បានត្រូវប្រគល់ជូន មន្ទីរសុខាភិបាល នៃរាជធានីភ្នំពេញ និងខេត្តចំនួន ១២ នារសៀល ថ្ងៃទី៣ ខែសីហា ឆ្នាំ២០២១ នៅឃ្លាំងឱសថកណ្តាល (CMS) ។
លោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណៈកម្មការ ចំពោះកិច្ចចាក់វ៉ាក់សាំងកូវីដ-១៩ ក្នុងក្របខណ្ឌទូទាំងប្រទេស បានប្រគល់រថយន្តដឹកវ៉ាក់សាំងកូវីដ-១៩ នេះ ដោយផ្ទាល់។
រថយន្តដឹកវ៉ាក់សាំងកូវីដ-១៩ ទាំងនេះ ជាអំណោយសប្បុរសជនខ្មែរ តាមរយៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់ជូនដល់ មន្ទីរសុខាភិបាល នៃរាជធានីភ្នំពេញ ខេត្តត្បូងឃ្មុំ តាកែវ ស្វាយរៀង សៀមរាប ព្រៃវែង កណ្ដាល កំពត កំពង់ធំ កំពង់ស្ពឺ កំពង់ចាម បាត់ដំបង និងបន្ទាយមានជ័យ ៕/V
