ដោយៈ​បាយ័ន​/​សៀមរាបៈ​ កាលពី​វេលា​ម៉ោង​១១​និង​១០​នាទី ថ្ងៃទី​៣ ខែសីហា​ឆ្នាំ​២០២១​នេះ កម្លាំង​សមត្ថកិច្ច​ផ្នែក​ប្រឆាំង​គ្រឿងញៀន នៃ​អធិការដ្ឋាន​នគរបាល​ស្រុក​ជាំ​ក្សាន្ត បាន​សហការ​ជាមួយ​កម្លាំង​ប៉ុស្តិ៍ រំដោះ​ស្រែ បាន​បង្ក្រាប​ករណី​រក្សា​ទុក ជួញដូរ និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន ប្រព្រឹត្ត​នៅ​ចំណុច​ភូមិ​រលំ​ថ្មរ ឃុំ​រំដោះ ស្រែ ស្រុក​ជាំ​ក្សាន្ន ខេត្តព្រះវិហារ ឃាត់ខ្លួន​ជនសង្ស័យ​ចំនួន ៤ នាក់​។​

នគរបាល​ជំនាញ​នៃ​អធិការ​ស្រុក​ជាំ​ក្សាន្ត ខេត្តព្រះវិហារ បាន​និយាយ​នៅ​ល្ងាច​ថ្ងៃទី​០៣ ខែសីហា ឆ្នាំ​២០២១​នេះ​ថា ជនសង្ស័យ​ដែល​ឃាត់ខ្លួន​នោះ​ទី​១​ឈ្មោះ ឈឿ​រ ចាន់ ដា ភេទ​ប្រុស អាយុ ២៤​ឆ្នាំ មុខរបរ ជាង​អ៊ុត​ស្គុ​ត​ម៉ូតូ ។ ទី​២/ ឈ្មោះ ខឿ​ត ឈុន​ណា ភេទ ប្រុស អាយុ ២០ ឆ្នាំ មុខរបរ មិន​ពិតប្រាកដ​។ ទី​៣/​ឈ្មោះ វែង គ្រឹ​ស្នា ភេទ ប្រុស អាយុ ២៤ ឆ្នាំ មុខរបរ ទាហាន​។ និង​ទី​៤/ ឈ្មោះ បុ័​ត ឆើត ភេទ ប្រុស អាយុ ៣៧ ឆ្នាំ មុខ របរ កសិករ​។​

វត្ថុតាង​ចាប់យក​រួមមាន ម្សៅ​ក្រាម​ពណ៍​ស​ថ្លា​សង្ស័យ​ជា​សារធាតុ​ញៀន​១៣​កញ្ចប់​ធំ និង​ឧបករណ៍​ជក់​គ្រឿងញៀន​មួយចំនួន ព្រមទាំង​ទូរ​សព្ទ័ ៣ គ្រឿង ៕​