​ប្រែ​សម្រួលៈ​វាសនា​៖ បណ្តា​ខេត្ត​ភាគ​កណ្តាល​វៀតណាម ខ្លះ​បាន​សំរេច​និង​ខ្លះ​មាន​ផែនការ​បង្កើត​មូលនិធិ​ប្រមូលប្រាក់​ដើម្បី​ជួយ​អ្នកស្រុក​របស់គេ​ដែល​ជាប់​នៅ​ក្រុង​ហូជីមិញ​អោយ​បន្ត​នៅ​​ក្នុង​មជ្ឈមណ្ឌល​ផ្ទុះ​កូវី​ដ​១៩​ភាគ​ខាងត្បូង​នេះ​ជា​បន្ត ជាជាង​ពួក​វិល​មក​កាន់​ស្រុកកំណើត​ហើយ​នាំ​មេរោគ​មក​ជាមួយ​។​

​អាជ្ញាធរ​ខេត្ត​ក្វាង​ប៊ិញ បាន​បង្កើត​ខ្សែ​ទូរស័ព្ទ​hotline​ដើម្បី​ទទួល​ព័ត៌មាន​ពី​អ្នក​កំពុង​ស្នាក់នៅ​ក្នុង​ទីក្រុង​ហូជីមិញ​និង​បណ្តា​ខេត្ត​ភាគ​ខាងត្បូង​នៅ​ជុំវិញ​ទីក្រុង​ពាណិជ្ជកម្ម​នេះ ដើម្បី​​ជួយ​គាំទ្រ​ខាង​ហិរញ្ញវត្ថុ​។​

​តាម​ផែនការ ខេត្ត​នេះ​នឹង​ផ្តល់​ប្រាក់​មួយ​គ្រួសារ​១​លាន​ដុង​(៤៣,៥១​ដុល្លារ​) ដើម្បី​អោយ​ពួកគេ​បន្ត​ស្នាក់នៅ​ក្នុង​ទីក្រុង​ភាគខាងត្បូង ជាជាង​វិល​មក​ខេត្ត​កំណើត​របស់​គេ​។​

​ខេត្ត​ថាញ់​ហ័រ ក៏​បាន​ប្រកាសថា​ខ្លួន​នឹង​ឈប់​ទទួល​អ្នក​វិល​មក​ពី​ទីតាំង​ផ្ទុះ​កូវី​ដ​ខ្លាំងៗ គឺ​កន្លែង​ណា​ដែល​កំពុង​អនុវត្ត​វិធានការ​គម្លាត​សង្គម រួមមាន​ទីក្រុង​ហូជីមិញ​។​កាលពី​ដំបូង​ខេត្ត​នេះ​មាន​​ផែនការ​ទទួល​អ្នកស្រុក​ប្រមាណ​១.០០០​នាក់​មក​ពី​ក្រុង​ហូជីមិញ តែ​ឥឡូវ​សំរេច​ផ្តល់​ប្រាក់​មួយ​គ្រួសារ​១​លាន​ដុង​អោយ​ពួកគេ​បន្ត​នៅ​ទៅនោះ​។​

​មួយ​ខែ​មក​នេះ​ទីក្រុង​ហូជីមិញ​បាន​ក្លាយជា​មជ្ឈមណ្ឌល​ផ្ទុះ​កូវី​ដ​១៩​នៅ​វៀតណាម ដោយ​បាន​រក​ឃើញ​អ្នក​ឆ្លង​ជាង​១០០.០០០​នាក់​ក្នុង​រលក​ទី​៣​ចាប់ពី​ចុងខែ​មេសា​មក ។​

​ខេត្ត​ក្វាង​ទ្រី មានពក​លរ​ជិត​៣.០០០​នាក់​ដែល​ចង់​វិល​មក​ផ្ទះ ភាគច្រើន​ពី​ទីក្រុង​ហូជីមិញ​និង​បណ្តា​ខេត្ត​ជុំវិញ​ដែល​ក៏​កំពុង​ផ្ទុះ​កូវី​ដ​១៩​ផងដែរ​។​តាំងពី​មុន​មក​ខេត្ត​នេះ​នាំ​ពលករ​តែ​៣៨៤​នាក់​​មកកាន់​ស្រុកកំណើត​របស់​គេ​វិញ​។​

​ប្រធាន​ខេត្ត​លោក ហ័ង​ណា​ម បាន​និយាយថា « អ្នក​ដែល​វិល​មក​ផ្ទះ​ដោយ​ខ្លួនឯង​បង្កើត​ហានិភ័យ​ដក់​អ្នកដទៃ​នៅតាម​ផ្លូវ​និង​អាច​រំខាន​ដល់​ផែនការ​បង្ការ​ជំងឺឆ្លង​របស់​ខេត្ត​»​។​

​ខេត្ត​នេះ​ក៏មាន​ផែនការ​ផ្តល់​ប្រាក់​ឧបត្ថម្ភ​និង​ផលិតផល​ចាំបាច់​ទៅ​អ្នក​អ្នក​ខេត្ត​ក្វាង​ទ្រី​ដែល​សំរេច​ចិត្ត​បន្ត​នៅ​តំបន់​បិទ​ខ្ទប់​។​

​នៅ​ប៉ុន្មាន​ថ្ងៃ​មកនេះ​បណ្តា​ខេត្ត​ភាគ​កណ្តាល​បាន​ជាប់រវល់​ចាត់ចែង​បញ្ជូន​អ្នក​វិល​មក​ផ្ទះ​ពី​ភាគខាងត្បូង​ប្រទេស​។​

​ប្រជាជនវិលពីក្រុងហូជីមិញនិងបណ្តាខេត្តភាគខាងត្បូងជាប់នៅកុងត្រូលមួយនៅខេត្ត ធួនធៀន វ៉េ ភាគកណ្តាលកាលពីថ្ងៃ២សីហា

តាម​បញ្ជា​នាយករដ្ឋមន្ត្រី កាលពី​ថ្ងៃ​៣១​កក្កដា បណ្តា​ទីតាំង​អនុវត្ត​វិធានការ​គម្លាត​សង្គម​នឹង​មិន​ត្រូវ​អនុញ្ញាត​អោយ​មនុស្ស​ចាក​ចេញ​នៅ​ក្រោយ​ថ្ងៃ​៣១​កក្កដា​ទេ រីឯ​អ្នក​ចាកចេញ​ផុត ខេត្ត​ពាក់ព័ន្ធ​ត្រូវ​រៀបចំ​ឡាន​ទទួល​ពួកគេ​និង​រៀបចំ​ការធ្វើតេ​ស្តិ៍​ហើយ​នាំ​ទៅកាន់​កន្លែង​ធ្វើ​ចត្តា​ឡី​ស័ក​៕

​កាលពី​ថ្ងៃ​អាទិត្យ​និង​ចន្ទ មនុស្ស​ច្រើនពេក​វិល​ពី​ភាគ​ខាងត្បូង​ទៅ​ស្រុក នាំ​អោយ​ខ្វះ​ឡាន​ដឹក​ហើយ​អាជ្ញាធរ​បាន​ត្រឹម​អមដំណើរ​ពួកគេ​ដែល​ជិះ​ទោចក្រយានយន្ត​