​ដោយៈ​អូរ​ស្មាច់​/​ឧ​ត្ត​រ​មាន​ជ័​យៈ នៅ​ថ្ងៃទី​៣ ខែកក្កដា ឆ្នាំ​២០២១ លោក ប៉ែន កុស​ល្យ អភិបាលខេត្ត​ឧត្ដរមានជ័យ បាន​ចុះ​ពិនិត្យ និង​អនុញ្ញាត​ដល់​អាជីវករ​លក់ដូរ បន្លែ ត្រី សាច់ នៅតាម​មុខផ្ទះ​របស់ខ្លួន ខណៈ​បិទ​ខ្ទប់​ផ្សារ​ចំនួន​២ រួមមាន​ផ្សារ​សំរោង និង​ផ្សារ​ឈូក ស្ថិតក្នុង​សង្កាត់ ក្រុង​សំរោង បន្ទាប់​មានការ​ឆ្លង​រីក​រាល​ជំងឺ​កូ​វីដ​-១៩ ក្នុង​សហគមន៍ លើ​អាជីវករ​ក្នុង​ផ្សារ​ទាំងពីរ​នេះ កាលពី​សប្តាហ៍​កន្លងមក​នេះ​។​

​ការអនុញ្ញាត​ដល់ បងប្អូន​ប្រជាពលរដ្ឋ​ដែល​អាជីវករ​បានដាក់​លក់​គ្រឿងឧបភោគ បរិភោគ មាន​បន្លែ ត្រី សាច់​នៅតាម​មុខផ្ទះ​នេះ សម្រាប់​សម្រួល​ដល់​ពល​រដ្ឋ​តម្រូវ​ការចាំបាច់​ប្រើប្រាស់​ប្រចាំថ្ងៃ​ក្នុងអំឡុងពេល​បិទ​ខ្ទប់​ផ្សារ​ទាំងពីរ​នេះ គឺ​ក្នុង​គោលបំណង​កាត់ផ្ដាច់​ខ្សែចម្លង​ជំងឺ​កូ​វីដ​-១៩ នៅក្នុង​សហគមន៍ និង​អប់រំ​ដល់​អាជីវករ ក៏​ដូច​ប្រជាពលរដ្ឋ ត្រូវ​អនុវត្តតាម​វិធានការ​របស់​ក្រសួងសុខាភិបាល ឲ្យ​បាន​ខ្ជាប់ខ្ជួន និង​រក្សា​គម្លាត​សុវត្ថិភាព​បុគ្គល​ឱ្យបាន​យ៉ាងតិច ១.៥ ម៉ែត្រ ឡើងទៅ ពី​មនុស្ស​ម្នាក់ ទៅ​មនុស្ស​ម្នាក់ ។​

​សូមបញ្ជាក់ថា ខេត្ត​ឧ​ត្ត​រ​មានជ័យ គិត​ត្រឹម​ល្ងាច​ថ្ងៃទី​៣ ខែសីហា ឆ្នាំ​២០២១​នេះ បាន​រកឃើញ​អ្នក​វិជ្ជមាន​ជំងឺ​កូ​វីដ​១៩ កើន​សរុប​ចំនួន​៥.០៣២ ករណី ខណ​:​រកឃើញ​ថ្មី​១០៧ ករណី បន្ថែមទៀត (៣៩​ករណី​ឆ្លង​ក្នុង​សហគមន៍ និង​៦៨​ករណី​នាំចូល​ពី​ប្រទេស​ថៃ​)៕​