ដោយៈ សរិទ្ធ / ភ្នំពេញ៖ មនុស្សចំនួន ៥៤៨ នាក់ ត្រូវបានឃាត់ខ្លួន ដើម្បី «អប់រំ និងពិន័យ» ពាក់ព័ន្ធការល្មើសនឹងវិធានការសុខាភិបាល និងវិធានការរដ្ឋបាល របស់អាជ្ញាធរ ដើម្បីទប់ស្កាត់ ការរីករាលដាល នៃជំងឺកូវីដ១៩ ។
នេះបើយោងតាមសេចក្ដីជូនដំណឹង របស់ គណៈកម្មការអន្តរក្រសួង ដើម្បីប្រយុទ្ធនឹង ជំងឺកូវីដ១៩ កាលពីថ្ងៃទី៣ ខែសីហា ឆ្នាំ២០២១ ។
ជាមួយគ្នានេះ អាជ្ញាធរ ក៏បានមានវិធានការអប់រំ ផ្សព្វផ្សាយច្បាប់ ចំនួន ១.០១៩ ទីតាំង អនុវត្តវិធានការច្បាប់ ៣៧២ ករណីឃាត់យានយន្ត ចំនួន ២១៥ គ្រឿង និងពិន័យជាប្រាក់ សរុបចំនួន ៣២ លានរៀល ៕/V-PC
