ដោយៈ​ទេ​ពក​ង្រី / កំពង់ឆ្នាំងៈ នៅ​ព្រឹក​ថ្ងៃទី​៤ ខែសីហា ឆ្នាំ​២០២១ នេះ លោក អ៊ិត សុធា ព្រះរាជអាជ្ញា អម​សាលាដំបូង ខេត្តកំពង់ឆ្នាំង និង​លោកស្រី ម៉ន វ៉ា​រី ព្រមទាំង​បុត្រ និង​មន្ត្រីរាជការ នៅក្នុង​ស្ថាប័ន​អយ្យការ សាលាដំបូង ខេត្តកំពង់ឆ្នាំង ទាំងអស់ បាន​ឧបត្ថម្ភ​ជា​អំណោយ ជូន​ដល់​លោក ស៊ុន សុ​វណ្ណា​រិ​ទ្ធិ អភិបាល នៃ​គណៈ​អភិបាលខេត្ត ខេត្តកំពង់ឆ្នាំង ដើម្បី​ចូលរួម​ជាមួយ រាជរដ្ឋាភិបាល និង​រដ្ឋបាលខេត្ត ដើម្បី​កាត់បន្ថយ​នូវ​ការចំណាយ​ផ្សេងៗ ក្នុងដំណាក់កាល ដែលមាន​ជំងឺ​កូ​វីដ​-១៩ កំពុង​រាតត្បាត មិនទាន់​ស្រាកស្រាន្ដ​នោះ ។​

​លោក អ៊ិត សុធា បាន​មានប្រសាសន៍ថាៈ ការចូលរួម​ផ្តល់​អំណោយ នាពេលនេះ គឺជា​ការងារ​មនុស្ស ធម៌​មួយ សម្រាប់​ជួយ​សម្រួល ទុក្ខលំបាក​មួយគ្រា ជាមួយ​រាជ​រដ្ឋា ភិ​បាល និង​រដ្ឋបាលខេត្ត​កំពង់ឆ្នាំង ដែល​កំពុង​ត្រួវ​ការ សម្រាប់​បម្រើឱ្យ​ការផ្គត់ផ្គង់ ក្នុងអំឡុងពេល នៃ​ការរីក​រាល នៃ​ជំងឺ​កូ​វីដ​-១៩ កំពុងតែ​រាតត្បាត មិនទាន់​ស្រាកស្រាន្ដ មកដល់​បច្ចុប្បន្ននេះ ។

​ក្នុងឱកាស​នោះ លោក​អភិបាលខេត្ត​កំពង់ឆ្នាំង បាន​សំដែង​នូវ​អំណរគុណ​យ៉ាង​ជ្រាល ជ្រៅ ចំពោះ លោក អ៊ិត សុធា ព្រះរាជអាជ្ញា អម​សាលាដំបូង ខេត្តកំពង់ឆ្នាំង និង លោកស្រី ម៉ន វ៉ា​រី ព្រមទាំង​បុត្រ និង​មន្ត្រីរាជការ នៅក្នុង​ស្ថាប័ន​អយ្យការ​សាលា ដំបូង​ខេត្តកំពង់ឆ្នាំង​ទាំងអស់ ដែល​បាន​ចូលរួម ចំណែក ជាមួយ​រដ្ឋបាលខេត្ត ក្នុងការ​ដោះស្រាយ ពេល​ខេត្ត​កំពុងតែ​មានការ​ខ្វះខាត ហើយក៏​ជា​តម្រូវ​ការចាំបាច់ សម្រាប់​រដ្ឋបាលខេត្ត ដើម្បី​យកទៅ​ផ្គត់ផ្គង់ អ្នក​ដែល​ជួប​បញ្ហា នៅតាម​មណ្ឌល និង​តាម​បណ្តា​លំនៅឋាន​បិទ​ខ្ទប់ និង​កំពុងតែ​ធ្វើ​ច​ត្តា​ឡី​ស័ក នាពេល​ប​ច្វុ​ប្បន្ន​នេះ​។

​លោក បាន​មានប្រសាសន៍​បន្តថាៈ អំណោយ​ដែល​បានមកពី សប្បុរសជន នៅពេលនេះ ត្រូវបាន​យកទៅ​បែងចែក ទៅ​ចំ​តាម​គោលដៅ​សំខាន់ៗ ក្នុង​ខេត្ត ដូចជា​ផ្គត់ផ្គង់​ទៅតាម មណ្ឌល​ធ្វើ​ច​ត្តា​ឡី​ស័ក និង​គ្រោះមហន្តរាយ ផ្សេងៗ​ទៀត ។

​សូមបញ្ជាក់ថា អំណោយ​ទាំងនោះ រួមមានៈ អង្ករ ៥ តោន ស្មើនឹង ១០០ បាវ (​ស្មើនឹង ៥.០០០ គីឡូក្រាម​) ព្រមទាំង​មី ១០០ កេះ​។​

​ក្នុងដំណាក់កាល ប្រឈម​ការ​រាតត្បាត នៃ​ជំងឺ​កូ​វីដ​-១៩ នេះ កន្លងមក លោក អ៊ិត សុធា និង​ក្រុមការងារ តែងតែ​ជួយ​ឧម​ត្ថ​ម្ភ ជា​បន្តបន្ទាប់ ដល់​ប្រជាជន​ក្រីក្រ និង​ជួយ​ដល់​ខាង ពន្ធនាគារ​ខេត្ត ដែលមាន​ការខ្វះខាត ផងដែរ​៕/V​-PC