ដោយៈ សុ​ផានី​តា / កោះកុង​៖ កុមារ និង​យុវវ័យ អាយុ​ក្រោម​១៨​ឆ្នាំ នាំគ្នា​ដេក​ភ័យ ព្រួយ អស់​មួយ​រយៈកាល កន្លងមក និង​មានការ​រឹត​ត្បៀត ពី​អាណាព្យាបាល និង​មាតា បិតា របស់​ពួកគេ ហាម​ចេញ​ក្រៅ​ផ្តេសផ្តាស ខណៈ​ពួកគេ ពុំ​ធ្លាប់​ទទួល​ការចាក់ វ៉ាក់សាំង បង្ការ​ជំងឺ​កូ​វីដ​-១៩ ។​

​ទន្ទឹមនឹង​កម្ពុជា បាន​រង​ផលប៉ះពាល់ ដោយសារ​ការឆ្លង​រាលដាល​វីរុស​កូ​វីដ​-១៩ ក្នុង​សហគមន៍ មាតាបិតា និង​អាណាព្យាបាល​កុមារ និង​យុវវ័យ អាយុ​ក្រោម​១៨​ឆ្នាំ បាន​និយាយថាៈ ការសិក្សា​រៀនសូត្រ សម្រាប់​បុត្រ​ធីតា របស់គាត់ នាពេល​កន្លងមក ពុំបាន​ជាប់លាប់​ឡើយ ខណៈ​សាលារៀន ទាំង​វិស័យ​រដ្ឋ និង​ឯកជន ត្រូវបាន​បិទ ផ្អាក​ស្ទើរ​ទាំងស្រុង ។​

​នៅ​ព្រឹក​ថ្ងៃទី​៤ សីហា ២០២១ យុវនារី តាំង សូ​នី​ឡា សម្តែង​ការ​ត្រេកអរ​រក​អ្វី​ប្រៀប ស្មើ ពុំបាន​ឡើយ ក្រោយពី​ក្តី​សុបិន​របស់គេ ប្រែក្លាយជា​ការពិត​នោះ​គឺ​រាជរដ្ឋាភិបាល កម្ពុជា បាន​ផ្តើម​បង្កើនល្បឿន ការចាក់​វ៉ាក់សាំង ដល់​កុមារ​អាយុ ១២ ឆ្នាំ និង​យុវវ័យ អាយុ​ក្រោម ១៨​ឆ្នាំ ឲ្យ​បាន​គ្រប់​គោលដៅ រាជធានី​ខេត្ត ដើម្បី​ទប់ស្កាត់ ការឆ្លង រាលដាល ពី​ជំងឺ​ដ៏​កាច​សាហាវ ប្រភេទ​ថ្មី​នេះ ឲ្យ​មាន​ប្រសិទ្ធភាព​។​

​យុទ្ធនាការ​ជា​ទ្រង់ទ្រាយ​ធំ ដែល​រដ្ឋបាល​ខេត្តកោះកុង បានធ្វើ​ឡើង គេ​សង្កេតឃើញ មាតាបិតា និង​អាណាព្យាបាល របស់​កុមារ អាយុ​១២​ឆ្នាំ និង​យុវវ័យ អាយុ​ក្រោម ១៨​ឆ្នាំ មានការ​ផុសផុល និង​ភ្ញាក់រលឹក​ខ្លាំងណាស់ បាន​បញ្ជូន​កូនចៅ​មក​ចូលរួម ទទួល​វ៉ាក់សាំង ក្នុង​យុទ្ធនាការ​នេះ​។​

​ស្ថិតក្នុង​បរិយាកាស យ៉ាង​អ​ធឹ​ក​អធម​នោះ ស្ត្រី​វ័យ​ចំណាស់​ម្នាក់ បានបង្ហាញ​ពី​ទុក្ខ កង្វល់​របស់គាត់ នាពេល​កន្លងមក​ថាៈ គ្រា​មុន បើទោះបីជា​ធ្លាប់ រស់នៅ​ក្រោម ដំបូលផ្ទះ តែមួយ​មែន ក្រុមគ្រួសារ​របស់គាត់ បាន​បាត់បង់​ទំនុកចិត្ត គ្នា​ទៅវិញ​មក ក្នុង​ការរស់នៅ​ប្រចាំថ្ងៃ ខណៈ​កូនៗ​របស់គាត់ ក្រោម​អាយុ​១៨ ឆ្នាំ ពុំបាន​ទទួល ការចាក់​វ៉ាក់សាំង បង្ការ​ជំងឺ​កូ​វីដ​-១៩ ពី​រដ្ឋាភិបាល ដូចជា រូបគាត់​ទេ ស្រាប់តែ ពេលនេះ វា​ពិតជា​លឿន​ពេក ហើយ​ដែល​ប្រមុខ​រាជរដ្ឋាភិបាល បាន​បញ្ចេញ​វ៉ាក់សាំង មក​ទាន់ពេលវេលា ហើយ​រូបគាត់ មាន​ក្តី​ត្រេកអរ​ខ្លាំងណាស់​នៅពេលដែល​កូនៗ របស់គាត់ បានទទួល​ការចាក់​វ៉ាក់សាំង បាន​គ្រប់គ្នា​។ ព្រោះ​រូបគាត់​ផ្ទាល់​ធ្លាប់ជា គម្រូ​ហើយ ក៏​ធ្លាប់​បាត់បង់​ទំនុកចិត្ត គ្នា​ទៅវិញទៅមក ពេលចេញ​ក្រៅ​ផ្ទះ ដើម្បី​ទៅ ប្រកបមុខរបរ​លក់​ដូរ សម្រាប់​ផ្គត់ផ្គង់​ជីវភាព ប្រចាំថ្ងៃ ខណៈ​ពេលនោះ​វ៉ាក់សាំង បង្ការ​ជំងឺ​កូ​វីដ​-១៩ ពុំទាន់​មាន​ផ្តល់ ជូន​បាន​ទូលំទូលាយ ដូច​បច្ចុប្បន្ន ។​

​រាជរដ្ឋាភិបាល បាន​បញ្ចេញ​វ៉ាក់សាំង មកដល់​ភូមិសាស្ត្រ ខេត្តកោះកុង យ៉ាង​ឆាប់ រ​ហ័យ បែបនេះ កុមារ​អាយុ ១២​ឆ្នាំ និង​យុវវ័យ អាយុ​ក្រោម ១៨​ឆ្នាំ មានការ​ត្រេកអរ យ៉ាង​ពន់ពេក ហើយ​ពួកគេ បាន​និយាយថា ពេល​ពួកគេ បាន​ចាក់​វ៉ាក់សាំង រួចរាល់​ទាំងពីរ​លើក ហើយ​នោះ កិច្ច​ពិភាក្សាគ្នា លើ​ការងារ​រៀនសូត្រ ទាំង​វិស័យ​រដ្ឋ និង​ឯកជន កាន់​តែមាន​ទំនុកចិត្ត​ខ្ពស់ ជាមួយនឹង​មិត្តភក្តិ​រួម​ថ្នាក់​របស់គេ​ខណៈពេល កន្លងមក រៀន​តាម​ប្រព័ន្ធ​អន​ឡាញ ជួប​ផល​លំបាក ដោយ​ពួកគេ សិក្សា​រៀនសូត្រ មិនថាតែ​នៅផ្ទះ​ឬ នៅ​សាលា​នោះទេ ពោលគឺ​ក្រសួងសុខាភិបាល​តម្រូវ​ឲ្យ​គោរព ជាប់​ជានិច្ច ត្រូវតែ​រក្សា​គម្លាត​ពីគ្នា និង​អនុវត្តន៍ តាម​វិធាន​សុខាភិបាល ៣​ការពារ និង​៣​កុំ យ៉ាង​ជាប់លាប់​ជានិច្ច​។​

​គិត​ចាប់តាំងពី​ថ្ងៃទី​១ ខែសីហា ដល់​ថ្ងៃទី​៣ សីហា កុមារ និង​យុវជន នៅ​ខេត្តកោះកុង ប្រមាណ ៨.៥៨១ នាក់ ស្រី ៤.២១៤ នាក់ បានទទួល​វ៉ាក់សាំង​បង្ការ​កូ​វីដ​១៩ រួចរាល់​ហើយ រីឯ​អ្នក​មិនទាន់បាន​ចាក់ ក៏​បន្ត​សម្រុក មក​ទទួល​ផងដែរ​៕/V​-PC