ប្រែសម្រួលៈវាសនា/បាងកក៖ ក្រសួងសុខាភិបាលថៃនៅព្រឹកថ្ងៃព្រហស្បតិ៍បានរាយការណ៍អំពីការរកឃើញអ្នកឆ្លងកូវីដ១៩ថ្មីចំនួន ២០.៩២០នាក់ និងអ្នកជំងឺកូវីដចំនួន១៦០នាក់ទៀតបានស្លាប់នៅ២៤ម៉ោងកន្លងទៅ។
កាលពីថ្ងៃពុធក្រសួងបានប្រកាសថា អ្នកជំងឺកូវីដ១៩ចំនួន១៨៨នាក់បានបាត់បង់ជីវិត និងមនុស្សដល់ទៅ២០.២០០បានឆ្លងជំងឺនេះថែម។
ចាប់តាំងពីថ្ងៃ១មេសាមក ពេលកូវីដ១៩រលកទី៣វាយប្រហារថៃ អាជ្ញាធរបានកត់ត្រាឃើញអ្នកឆ្លង៦៦៤.៤៤២នាក់និង៦៩៣.៣០៥នាក់ចាប់តាំងពីដើមឆ្នាំមុន។ចំនួនអ្នកជំងឺកូវីដ១៩ស្លាប់នៅរលកទី៣នេះមានចំនួន៥.៥៦៩នាក់ដែលនាំអោយចំនួនស្លាប់តាំងពីឆ្នាំមុនមកឡើងដល់៥.៦៦៣នាក់។
តួលេខឆ្លងប្រកាសនៅថ្ងៃនេះជាចំនួនឆ្លងប្រចាំថ្ងៃខ្ពស់បំផុតមិនដែនមាន ដោយការឆ្លងខ្ពស់បំផុតពីមុនគឺចំនួន២០.២០០នាក់កាលពីថ្ងៃពុធម្សិលមិញ នៅពេលចំនួនស្លាប់ហក់ឡើងខ្ពស់បំផុត១៨៨នាក់។
ជុំវិញកូវីដ១៩នេះដែរព្រះមហាក្សត្រថៃបានប្រទានប្រាក់៩៩,៩លានបាត(៣លានដុល្លារ)ដើម្បីជួយហិរញ្ញវត្ថុសំរាប់សង់មន្ទីរពេទ្យ មណ្ឌលចត្តាឡីស័កនិងប៉ាឆាដុតសពអ្នកកើតកូវីដ។ព្រះអង្គក៏ប្រទានប្រាក់៨៨,៨លានបាតទៅអោយវត្តមួយចំនួនដែលបង្កើតមន្ទីរពេទ្យបណ្តោះអាសន្ននិងមណ្ឌលចត្តាឡីស័កសហគមន៍នៅក្នុងបរិវេណវត្តហើយអនុញ្ញាតអោយបូជាសពអ្នកកើតកូវីដ។
កាលពីខែមុន ស្តេចថៃក៏ប្រទានប្រាក់ជាង២,៨ពាន់លានបាត(៨៥លានដុល្លារ)ដើ់ល់មន្ទីរពេទ្យនិងមណ្ឌលវេជ្ជសាស្ត្រចំនួន២៩សំរាប់ទិញគ្រឿងបរិក្ខាពេទ្យ ថ្នាំនិងសាងសង់អាគារពេទ្យដើម្បីជួយការងាររបស់រដ្ឋាភិបាលក្នុងការប្ររយុទ្ធនឹងកូវីដ១៩៕
នាយករដ្ឋមន្ត្រីថៃ ទទួលមូលប្បទានប័ត្រតំលៃ៩៩,៩លានបាតដែលព្រះមហាក្សត្រប្រទានសំរាប់សង់មន្ទីរពេទ្យ មណ្ឌលចត្តាឡីស័កនិងប៉ាឆាដុតសពអ្នកកើតកូវីដ