​ដោយ​៖​រ៉ា​ម៉ន​/​ភ្នំពេញ​៖ កំលាំង​ជំនាញ​នគរបាល​ខណ្ឌ​ប្ញ​ស្សី​កែវ បាន​សហ​ការណ៍​ជាមួយ​កំលាំង​អនុ​វន្ត៍​ច្បាប់​ចរាចរ​ផ្លូវគោក ធ្វើការ​បង្ក្រាប​ជាក់ស្ដែង​ករណី​ជួញដូរ​ដោយ​ខុសច្បាប់​នូវ​សារធាតុ​ញៀន ត្រង់ចំណុច​ផ្លូវជាតិ​លេខ​៥ ភូមិ​ស្ពាន​ខ្ពស់ សង្កាត់​ច្រាំង​ចំរេះ​២ ខណ្ឌឫស្សីកែវ រាជធានី​ភ្នំពេញ នៅ​ថ្ងៃទី​០៤ ខែសីហា ឆ្នាំ​២០២១ វេលា​ម៉ោង ១០​និង ១០​នាទី​។​

​លោក ហ៊ាង ថា​រ៉េត អធិការ​ខណ្ឌ បានអោយដឹងថា ជនសង្ស័យ​ទាំង​៣​នាក់ រួមមាន ៖
១/​ឈ្មោះ ឃុន ភក្តី ភេទ​ប្រុស អាយុ​១៨​ឆ្នាំ មាន​ទីលំនៅ ភូមិ​ចំបក់ ស្រុក​បាទី ខេត្តតាកែវ មុខរបរ​កម្មករ​។ ២/​ឈ្មោះ លី រស្មី ភេទ​ប្រុស អាយុ​២៧​ឆ្នាំ មាន​ទីលំនៅ ភូមិ​កំពង់​លួង ឃុំ​កំពង់​លួង ស្រុក​ពញ្ញាឮ ខេត្តកណ្តាល មុខរបរ​កម្មករ​។
៣/​ឈ្មោះ ម៉ាន ព្រី​យ៉ា​ល់ ភេទ​ប្រុស អាយុ​២៨​ឆ្នាំ ជនជាតិខ្មែរ មាន​ទីលំនៅ ភូមិ​ឃ្លាំង​ស្បែក ឃុំ​កំពង់​លួង ស្រុក​ពញាឮ ខេត្តកណ្តាល មុខរបរ​កម្មករ​។

​ក្នុងការ​ឃាត់ខ្លួន​នេះ​សមត្ថកិច្ច​បាន​ដកហូត​វត្ថុតាង​ដូចជា ក្រាម​ពណ៌​ស​ថ្លា​សង្ស័យ​ជា​គ្រឿងញៀន​ចំនួន ០១​កញ្ចប់​ធំ​ល្មម​, ម៉ូតូ​មួយគ្រឿង ពណ៌​ខ្មៅ ពាក់​ផ្លាកលេខ កណ្តាល ១Q-៩១៨៣ ។

​បច្ចុប្បន្ន​កំលាំង​ជំនាញ​ខណ្ឌ​កំពុង​កសាង​សំណុំរឿង​បញ្ជូនទៅ​សាលាដំបូង​រាជធានី​ភ្នំពេញ ដើម្បី​អនុវត្តន៍​តាម​នីតិវិធី​៕​