ដោយៈ ស​រិ​ទ្ធ / ភ្នំពេញៈ នៅ​រសៀល​ថ្ងៃទី​៤ ខែសីហា ឆ្នាំ​២០២១ នគរបាល​ប៉ុស្តិ៍ ច្បារអំពៅ​២ បាន​ចាប់ខ្លួន ជនជាប់ចោទ ឈ្មោះ ស៊ូ ម៉ាប់ នៅ​ចំណុច​មុខផ្ទះ គ្មាន​លេខ ផ្លូវលំ ភូមិ​ដើម​ចាន់ តាម​ដីកា​បង្គាប់​ឲ្យ​ចាប់ខ្លួន របស់លោក ទិ​ត ដាលីន ចៅក្រម​ស៊ើបសួរ សាលាដំបូង រាជធានី​ភ្នំពេញ ពីបទ ” លួច​មាន​ស្ថាន​ទម្ងន់ទោស ” ប្រព្រឹត្ត​នៅ​ចំណុច​ដីឡូត៍ គ្មាន​លេខ ផ្លូវលំ ភូមិ​ដើម​ចាន់ សង្កាត់​ច្បារអំពៅ​២ កាលពី​ថ្ងៃទី​២៤ ខែមេសា ឆ្នាំ​២០២១​។​

​លោក អ៊ុំ រតនា មេ​ប៉ុស្តិ៍​ច្បារអំពៅ​ទី​២ បាន​ថ្លែងថាៈ ជនជាប់ចោទ​រូបនេះ ត្រូវបាន បញ្ជូន មក​អធិការដ្ឋាន​នគរបាល ខណ្ឌ​ច្បារអំពៅ ដើម្បី​ចាត់ការ​បន្ត​តាម​នីតិវិធី ៕/V​-PC