​ដោយៈ គង់​ហេង / កំពង់ចាមៈ រដ្ឋបាលខេត្ត​កំពង់ចាម នៅ​ថ្ងៃទី ៥ សីហា​នេះ បានប្រកាស​ពី ស្ថានភាព​ជំងឺ​កូ​វីដ ១៩ គឺមាន​ជនរងគ្រោះ ចំនួន បួន នាក់​ថ្មី បានទទួល​មរណភាព ខណៈ​រកឃើញ​វិជ្ជមាន​ថ្មី ចំនួន ៤៣ នាក់ និង​មាន​អ្នកជា​សះ ស្បើយ ចំនួន ៣៨ នាក់ កាលពី​ថ្ងៃទី ៥ សីហា កន្លងទៅ​។​

​អ្នកទទួល​មរណភាព​ថ្មី ចំនួន បួន នាក់ គឺ​១.​បុរស​អាយុ ៧១ ឆ្នាំឈ្មោះ សាយ ធឹ​ម នៅ​ភូមិ​អម្ពិល​លើ ឃុំ​អម្ពិល ស្រុក​កំពង់សៀម បានទទួល​មរណភាព កាលពី​យប់ ថ្ងៃទី ៣ សីហា​, ២.​ជា​ស្ត្រី​អាយុ ៥៧ ឆ្នាំឈ្មោះ កេ​ត មាលា នៅ​ភូមិ​២២ ឃុំ​ចម្ការ អណ្តូង ស្រុក​ចម្ការលើ បានទទួល​មរណភាព កាលពី​យប់​ថ្ងៃទី ៣ សីហា​,៣.​ជា​បុរស អាយុ ៧១ ឆ្នាំ ឈ្មោះ ញឹម ភី នៅ​ភូមិ​ព្រែក​ដំបូក​លើ ឃុំ​ព្រែក​ដំបូក ស្រុក​ស្រី​សន្ធរ បានទទួល​មរណភាព កាលពី​ថ្ងៃទី ៤ សីហា និង ៤. ជា​បុរស​អាយុ ៧០ ឆ្នាំឈ្មោះ មិន វុទ្ធី នៅ​ភូមិ​១៥ ឃុំ​ត្រ​មូង ស្រុក​មេមត់ ខេត្ត​ត្បូងឃ្មុំ​។ ដោយ​សរុប​តួលេខ អ្នកទទួល​មរណភាព ដោយ​ជំងឺ​កូ​វីដ ១៩ ក្នុង​ព្រឹត្តិការណ៍ សហគមន៍ ២០ កុម្ភៈ នៅ​ខេត្តកំពង់ចាម មាន​ចំនួន ៩៨ នាក់​។​

​ក្នុងនោះ​អ្នក​ឆ្លង​ចំនួន ៤៣ នាក់ បាន​នាំយកទៅ​ព្យាបាល នៅ​មន្ទីរពេទ្យ​មេគង្គ កំពង់ចាម និង​នៅ​កន្លែង​ព្យាបាល កម្រិត​ស្រាល នៅ​វិទ្យាល័យ​ព្រះសីហនុ គឺ​បូកសរុប​អ្នកជំងឺ កំពុង​ព្យាបាល ចំនួន ៨៤១ នាក់ និង​អ្នក​ឆ្លង​ជំងឺ​សរុប ចំនួន ៤.១៤៧ នាក់​។ រីឯ​អ្នកជា​សះស្បើយ ចំនួន ៣៨ នាក់​នោះ ដែល​បានអនុញ្ញាត ឱ្យ​ចេញពី​មន្ទីរពេទ្យ គឺ​ត្រូវបាន​ទទួលលទ្ធផល តេស្ត​វិជ្ជមាន ចំនួន ពីរ លើក និង​សរុប​អ្នក​សះស្បើយ បាន​ចាកចេញ ទៅកាន់​លំនៅឋាន​វិញ ចំនួន ៣.២០៨ នាក់​៕/V​-PC