ដោយ​៖ រ៉ា​ម៉ន / ភ្នំពេញ​៖ នៅ​ព្រឹក​ថ្ងៃទី​៥ ខែសីហា ឆ្នាំ​២០២១​ដោយមាន​ការអនុញ្ញាត ពី​លោក ថេ​ង សុ​ថុល អភិបាលខណ្ឌ​ចំការមន រដ្ឋបាល​ខណ្ឌចំការមន​ដឹកនាំ​ដោយ លោក​បណ្ឌិត អាំង សិរី​ពិសិដ្ឋ អភិបាលរងខណ្ឌ រួមជាមួយ​ក្រុមការងា​រ​រដ្ឋបាល ខណ្ឌ​, រដ្ឋបាល​សង្កាត់​ផ្សារ​ដើមថ្កូវ និង​កម្លាំង​សណ្ដាប់ធ្នាប់​ខណ្ឌ បាន​ចុះ​អនុវត្ត វិធានការ រដ្ឋបាល ដោយ​រុះរើ​របង បង្គន់​អនាម័យ ទីលាន​វាយ​បាល់ទះ និង​សម្ភារ ផ្សេងៗ ដែល​បានដាក់​រំលោភ លើ​ផ្ទៃ​បឹងត្របែក ដែល​ស្ថិតនៅ​ផ្លូវ​លេខ​៤៩៤ ភូមិ​២ សង្កាត់​ផ្សារ​ដើមថ្កូវ ខណ្ឌចំការមន រាជធានី​ភ្នំពេញ​។

​គួរ​បញ្ជាក់ថា កន្លងមក រដ្ឋបាល​ខណ្ឌ និង​រដ្ឋបាល​សង្កាត់​ផ្សារ​ដើមថ្កូវ បាន​ចុះ​ណែនាំ និង​ចេញ​សេចក្ដីជូនដំណឹង ជា​ច្រើនដង​មកហើយ ប៉ុន្តែ​ម្ចាស់​នៅតែ​មិនបាន​អនុវត្ត តាម​ការណែនាំ របស់​រដ្ឋបាល​ខណ្ឌ និង​សង្កាត់​នោះទេ​៕/V​-PC