​ប្រែ​សម្រួល : កញ្ញា​ដា​លី​ស (​ស្ត្រេត​ថែមស៍​) ៖ ក្រុមមន្ត្រី​បាន​និយាយថា រន្ទះបាញ់​ជាច្រើន​បាន​វាយប្រហារ​ពិធីមង្គលការ​មួយ​នៅ​បង់​ក្លា​ដែស​ក្នុងពេលតែ​ប៉ុន្មាន​វិនាទី​កាលពី​ថ្ងៃ​ពុធ​ទី ៤ ខែ​សីហា ដោយ​សម្លាប់​មនុស្ស ១៦ នាក់​និង​បង្ក​របួស​ដល់​កូនកំលោះ​។​

​អភិបាលក្រុង​ស៊ី​ប​ហ្គាន លោក​សា​គី​ប អាល់​រ៉ាប​ប៊ី បាន​និយាយថា ក្រុម​កូនកំលោះ​ទើបតែ​ចាកចេញ​ពី​ទូក​មួយ​នៅ​មាត់ទន្លេ​នៃ​ទីក្រុង​ស៊ី​បហ្គាន​ដើម្បី​ជ្រក​ព្យុះ​ផ្គរ​រន្ទះ នៅពេល​ត្រូវ​រន្ទះបាញ់​។​

​លោក​អភិបាល​បាន​ប្រាប់​ទីភ្នាក់ងារ​សារព័ត៌មាន AFP*​ថា កូនក្រមុំ​មិន​បាន​នៅ​ជាមួយ​ពិធី​ទេ ដោយ​បញ្ជាក់​ថា មនុស្ស ១៦ នាក់​បាន​ស្លាប់​ដោយសារ​រន្ទះ​ជាច្រើន​បាន​វាយប្រហារ​ក្នុងពេល​តែ​ប៉ុន្មាន​វិនាទី​ពី​គ្នា​នៅ​សង្កាត់​ចា​ប៉ៃ​ណា​វ៉ា​បហ្គាន ស្ថិត​នៅ​ភាគ​ខាងលិច​ក្រុង​។​

​ថ្មីៗ​នេះ​ព្យុះ​មូសុង​ដ៏​ខ្លាំងក្លា​បាន​វាយប្រហារ​ប្រទេស​បង់​ក្លា​ដែស​។ ភ្លៀង​ខ្លាំង​ពេញ​មួយ​សប្តាហ៍​នៅ​ទីក្រុង​ខុក​ស្បា​ហ្សា ស្ថិត​នៅ​ភាគ​អាគ្នេយ៍​ប្រទេស បាន​បណ្តាលឱ្យ​មនុស្ស​ស្លាប់ ២០ នាក់ ក្នុងនោះ​មាន​ជនភៀសខ្លួន​រ៉ូ​ហ៊ីង​យ៉ា ៦ នាក់​។​

​រន្ទះបាញ់​បាន​សម្លាប់​មនុស្ស​រាប់រ​យ​នាក់​នៅក្នុង​ប្រទេស​អាស៊ី​ខាងត្បូង​មួយ​នេះ​ជា​រៀងរាល់ឆ្នាំ​។​យោងតាម​របាយការណ៍​ផ្លូវការ​មួយ​បានបង្ហាញ​ថា​មាន​អ្នកស្លាប់​ដោយសារ​រន្ទះបាញ់​ជាង​ ២០០ នាក់​ក្នុង​ឆ្នាំ ២០១៦ ក្នុងនោះ​មាន​មនុស្ស​ស្លាប់ ៨២ នាក់​ក្នុង​ថ្ងៃ​តែមួយ​នៅ​ខែ​ឧសភា​ឆ្នាំ​នោះ​៕

មនុស្ស​១៦​នាក់​ស្លាប់​ដោយសារ​រន្ទះបាញ់​អំឡុង​ពិធី​មង្គលការ​នៅ​បង់​ក្លា​ដែស​កាលពី​ថ្ងៃ​ពុធ​