ដោយៈ​ប​.​ខុន​/​ភ្នំពេញៈ ក្រសួង​ធនធានទឹក​និង​ឧតុនិយម​បាន​ចាត់​មន្ត្រី​ឱ្យ​ជូន​ដំណើរ អ្នក​បច្ចេក ទេស​របស់​ទីភ្នាក់ងារ​អភិវឌ្ឍន៍​បារាំង​(AFD) ទៅពិនិត្យ​ទីតាំង​គម្រោង នៃ​ប្រព័ន្ធធារាសាស្ត្រ​នៅក្នុង​ខេត្តកំពង់ធំ​ដែល​ក្រសួង​បាន​ស្នើសុំ​ធ្វើការ​ស្តារ ឡើងវិញ​។​

​លោក ចាន់ យុ​ត្ថា រដ្ឋលេខាធិការ​ក្រសួង​ធនធានទឹក​និង​ឧតុនិយម ទទួលបន្ទុក ផ្នែក​សហប្រតិបត្តិការ​អន្តរជាតិ​បាន​ប្រាប់​ឱ្យ​រស្មី​កម្ពុជា​ដឹង នៅ​ថ្ងៃទី​៥ ខែសីហា ថា កាលពី​ថ្ងៃទី​៤​ខែសីហា​លោក​បាន​ជូន​ក្រុមមន្ត្រី​បច្ចេកទេស​របស់​ទីភ្នាក់ងារ​អភិវឌ្ឍន៍ (AFD) ចុះទៅពិនិត្យ​ទីតាំង​គម្រោង​ប្រព័ន្ធធារាសាស្ត្រ​មួយចំនួន​បី​នៅក្នុង​ខេត្តកំពង់ធំ ដែល​ក្រសួង​បាន​ស្នើសុំ​ស្តារឡើងវិញ​។​

​ទីតាំង​គម្រោង​ដែល​ក្រសួង​បានស្នើ​នេះ ត្រូវបាន លោក ចាន់ យុ​ត្ថា បញ្ជាក់ ថា មានឈ្មោះ​ប្រព័ន្ធធារាសាស្ត្រ​អូរ​ស្នោរ ស្ថិតនៅក្នុង​ឃុំ​ត្បូង​ក្រពើ ស្រុក​សន្ទុក ខេត្តកំពង់ធំ​ជា​ប្រព័ន្ធ​ចាស់​ដែល​បាន​កសាងឡើង​នៅក្នុង​របប​ប៉ុលពត​សព្វថ្ងៃ​ខូច​ទ្រុឌ​ទ្រម ស្ទើរ​អស់​មិនអាច​ប្រើការ​បាន​។​

​លោក ចាន់ យុ​ត្ថា បាន​និយាយ​ឱ្យដឹងទៀតថា ការដាំដុះ​នៅក្នុង​ភូមិសាស្ត្រ​ខាង លើ​កន្លងទៅ​បានតែ​ក្នុង​រដូវវស្សា ដោយ​ពឹងផ្អែក​ទៅលើ​កត្តា​ធម្មជាតិ​ទាំងស្រុង ដោយសារ​អូរ (​ស្ទឹង​ចាស់​) ដែលជា​ប្រព័ន្ធធារាសាស្ត្រ​អូរ​ស្នោរ​នេះ គោក​រាក់​និង គ្មាន​សំណង់​ស្ទាក់​ទឹក​(​ស្ទឹងសែន​)​នៅ​ផ្នែក​ខាងលើ​ក្រុង​ស្ទឹងសែន​។​

​ចំណែកឯ​គម្រោង​ដែល​ក្រសួង​ធនធានទឹក​និង​ឧតុនិយម បានលើកឡើង​សុំ​ស្តារ ប្រព័ន្ធ​នេះ​ឡើងវិញ ដោយ​សាងសង់​សំណង់​ស្ទាក់​ទឹក និង​ស្តារ​អូរ​ស្នោរ នៅ កន្លែង​ខ្លះ​ឡើងវិញ ចាប់ពី​ស្ទឹងសែន​នៅ​ផ្នែក​លើ​ក្រុង​ស្ទឹងសែន​រហូតមកដល់​ផ្លូវ ជាតិ​លេខ​៦​និង​មាន​គម្រោង​ចំនួន​ពីរ​ទៀត​ត្រូវធ្វើ​បន្ត​ធ្លាក់​ដល់​បឹង​ទន្លេសាប​។​

​លោក ចាន់ យុ​ត្ថា បញ្ជាក់ថា នៅពេល​គម្រោង​ខាងលើ​អនុវត្ត​រួច ការទាញយក ទឹក​ពី​ស្ទឹងសែន តាមរយៈ​សំណង់​ស្ទាក់​ទឹក​នៅ​រដូវវស្សា​ជួយ​បន្ថយ​ជំនន់​លើ ក្រុង​ស្ទឹងសែន និង​នៅ​រដូវប្រាំង​ប្រើប្រាស់​ស្ថា​នី​បូម ទឹក​ពី​ស្ទឹង​បញ្ចូល​ទៅក្នុង​អូរ ស្នោរ​ដែល​ដល់​ពេលនោះ​អាងទឹក​រក្សា​នៅក្នុង​ខេត្តព្រះវិហារ ត្រូវបាន​សាង សង់ រួចរាល់​ហើយ​ទម្លាក់​ទឹក​ចូលមកក្នុង​ស្ទឹងសែន​តាម​តម្រូវការ ។ ការចុះទៅ​ពិនិត្យ មើល​ទីតាំង​គម្រោង​កាលពី​ថ្ងៃទី​៤​ខែសីហា ដើម្បីឱ្យ​មន្ត្រី​បច្ចេកទេស​របស់ ទី​ភ្នា​ក់ ងារ​អភិវឌ្ឍន៍​បារាំង​ដែលមាន​រហូតដល់​ទៅ​បី​ផ្នែក​ជា​អ្នកវាយតម្លៃ​ដើ​ម្ប​សម្រេច ៕​/PC