ដោយៈ​អូរ​ស្មាច់​/​ឧ​ត្ត​រ​មាន​ជ័​យៈ នៅ​ថ្ងៃទី​៥ ខែសីហា ឆ្នាំ​២០២១ លោក ឃិន ញ៉ា​ណ អភិបាលរង​ខេត្ត​ឧ​ត្ត​រ​មានជ័យ រួម​នឹង​កម្លាំងចម្រុះ បាន​ចុះ​ប្រាប់​ដល់​ប្រជាពលរដ្ឋ ចំនួន​៦ ភូមិ ក្នុង​សង្កាត់​អូរ​ស្មាច់ ក្រុង​សំរោង ជាប់​ព្រំំ​ដែន កម្ពុជា ថៃ ដែលជា​តំបន់​បិទ​ខ្ទប់​មាន​ហានិភ័យ នៃ​ការឆ្លង​រីក​រាលដាល​ជំងឺ​កូ​វីដ​-១៩ ក្នុង​សហគមន៍​ច្រើន ហាម​ដើរចេញ​ក្រៅពី​លំនៅដ្ឋាន​ខ្លួន បើ​បំពាន​នឹង​បំរាម​រដ្ឋបាល ត្រូវ​ទ​ទូល​នៅ​ការផាកពិន័យ និង​កសាង​សំណុំរឿង​បញ្ជូនទៅ​តុលា​ចាត់ការ​តាមផ្លូវ​ច្បាប់​។​

​តំបន់​ដែល​ត្រូវបានធ្វើ​ការបិទ​ខ្ទប់​ទាំង​ចំនួន​៦​ភូមិ​នោះ គឺ​អាជ្ញាធរ​បានកំណត់​ជា (​តំបន់​ក្រហម​) ដែលមាន​ការឆ្លង​រីក​រាលដាល​ជំងឺ​កូ​វីដ​១៩ ក្នុង​សហគមន៍​ច្រើន រួមមាន​៖ ភូមិ​អូរ​ស្មាច់ ភូមិ​រួត​ចំប៉ី ភូមិ​អភិវឌ្ឍន៍ ភូមិ​គី​រី​មង្គល ភូមិ​ដើម​ជ្រៃ និង​ភូមិ​ចំការចេក​។ ហើយ​ការអនុវត្ត​វិធាន​ការបិទ​ខ្ទប់​នេះ ហាម​ការជួបជុំ​លក្ខណ​:​ឯកជន ឬ​បង្កើត​កម្មវិធី​ផ្សេងៗ​។​

​សូមបញ្ជាក់ថា ខេត្ត​ឧ​ត្ត​រ​មានជ័យ គិត​ត្រឹម​ល្ងាច​ថ្ងៃទី​៥ ខែសីហា ឆ្នាំ​២០២១ ខេត្តឧត្ដរមានជ័យ​៖ ករណី​ឆ្លង​កូ​វីដ​-១៩ កើនឡើង​ដល់​សរុប​ចំនួន​៥.១៤៩ ករណី ខណៈ​រកឃើញ​ថ្មី​៧៨ ករណី (៤១​ករណី សហគមន៍ និង​៣៧ ករណី​នាំចូល​ពី​ប្រទេស​ថៃ​កំពុង​ច​ត្តា​ឡី​ស័ក​)​និង​ជាសះស្បើយ​ចំនួន​១៩២ នាក់​បន្ថែមទៀត​៕​