​ប្រែ​សម្រួលៈ​វាសនា​/​ប៉េកាំង​៖ ចិន​កាលពី​ថ្ងៃ​ព្រហស្បតិ៍​បាន​សម្តែង​ការប្រឆាំង​យ៉ាង​មុតមាំ​ចំពោះ​ការអនុម័ត​របស់​ក្រសួងការបរទេស​អាម៉េរិក​ដើម្បី​លក់​សព្វាវុធ​ទៅអោយ​កោះ​តៃវ៉ាន់​និង​​បានដាក់​ការប្រឆាំង​តវ៉ា​ទៅ​ភាគី​អាម៉េរិក​។​

​អ្នកនាំពាក្យ​ក្រសួងការបរទេស​ចិន​បាន​និយាយថា ចិន​នឹង​ចាត់​វិធានការ​ច្បាប់​និង​ការតត​ប​ចាំបាច់​ស្រប​តាម​ការវិវត្តន៍​ស​ភាព​ការណ៍​។​

​ប្រតិកម្ម​របស់​ចិន​កើត​ឡើង​បន្ទាប់ពី​ទីភ្នាក់ងារ​សហប្រតិបត្តិ​ការ​សន្តិសុខ​យោធា​របស់​ក្រសួង​ការពារជាតិ​អាម៉េរិក បាន​ប្រកាស​កាលពី​ថ្ងៃ​៤​សីហា​ថា ក្រសួងការបរទេស​អាម៉េរិ​កបាន​អនុម័ត​​លក់​កាំភ្លើង​ធំ Howitzer​ចំនួន​៤០​ដើម​តំលៃ​៧៥០​លាន​ដុល្លារ​ទៅអោយ​កោះ​តៃវ៉ាន់​។​

​ដោយ​បញ្ជាក់​ថា​តៃវ៉ាន់​ជា​ផ្នែ​មួយ​នៃ​ទឹកដី​ចិន អ្នកនាំពាក្យ​បាន​និយាយថា អាម៉េរិក​កំពុង​ជ្រៀតជ្រែក​កិច្ចការ​ផ្ទៃក្នុង​ចិន​និង​ធ្វើអោយ​ខូច​អធិបតេយ្យភាព​និង​ផលប្រយោជន៍​សន្តិសុខរ​បស់​ចិន​​ដោយសារ​តែ​លក់​សព្វាវុធ​អោយ​កោះ​តៃវ៉ាន់​។​ចំណាត់ការ​នេះ​វា​ប្រឆាំង​ច្បាប់​អន្តរជាតិ និង​គោលការណ៍​ជា​មូលដ្ឋាន​នៃ​ទំនាក់ទំនង​អន្តរជាតិ ហើយ​រំលោភ​គោលការណ៍​ចិន​តែ​មួយ​ព្រមទាំង​ខ​ច្បាប់​​នៃ​សេចក្តីថ្លែងការណ៍​រួម​ចិន​-​អាម៉េរិក​ចំនួន​៣​។​

​អ្នកនាំពាក្យ​បាន​បន្ថែមថា ចំណាត់ការ​របស់​អាម៉េរិក​នេះ​បញ្ជូន​សារ​ខុសឆ្គង​ទៅកាន់​កងកម្លាំង​ផ្តាច់ខ្លួន​តៃវ៉ាន់ និង​ធ្វើអោយ​គ្រោះថ្នាក់​ទំនាក់ទំនង​ចិន​-​អាម៉េរិក ព្រមទាំង​សន្តិភាព​និង​ស្ថិរភា​​ពនៅ​ទូទាំង​ច្រក​សមុទ្រ​តៃវ៉ាន់​។​«​ចិន​សូម​ប្រឆាំង​ដាច់ខាត​និង​ធ្វើ​ការតវ៉ា​ប្រឆាំង​ផ្លូវការ​ទៅ​ភាគី​អាម៉េរិក​»៕

​តៃវ៉ាន់​អរគុណ​អាម៉េរិក​ដែល​លក់​កាំភ្លើង​ធំ​៤០​ឈុត​អោយ​ខ្លួន​