​ប្រែ​សម្រួលៈ​វាសនា​/​តូ​ក្យូ​៖​ជប៉ុន​បាន​ឈាន​ដល់​ព្រឹត្តិការណ៍​សំខាន់​មួយ​គឺ​អ្នក​ឆ្លងកូវី​ដ​១៩​ចំនួន​១​លាន​នាក់​កាលពី​ថ្ងៃ​សុក្រ​ទី​៦​សីហា​នៅពេល​ការឆ្លង​បាន​កើន​ឡើង​ខ្លាំង​នៅ​ក្រុង​តូ​ក្យូ​ដែល​កំពុង​​រៀបចំ​ការប្រកួត​កីឡា​អូ​ឡាំ​ពិ​ច​និង​តំបន់​ទីក្រុង​ដទៃទៀត​នៅ​ពេល​ប្រទេស​តស៊ូ​ទប់ទល់​នឹង​វីរុស​បំ​ប្លែងខ្លួន​Delta​។​

​ការឆ្លង​ថ្មី​នៅ​តូ​ក្យូ​មានចំនួន​៤.៥១៥​នាក់ ជា​ចំនួន​ឆ្លង​ខ្ពស់​បំផុត​ទី​២​បន្ទាប់​ពី​ឆ្លង​៥.០៤២​នាក់​កាលពី​ថ្ងៃ​ព្រហស្បតិ៍ នៅពេល​តំបន់​ក្បែរ​ខាង កា​ណាហ្កា​វ៉ា ក៏​ជួប​ការឆ្លង​ជាង​២.០០០​នាក់​ដែរ​។​

​ទីក្រុង​អូ​សា​កា ក៏​ជួប​ការឆ្លង​កើនឡើង​ដល់​កំរិត​ខ្ពស់​បំផុត​រហូតដល់​ចំនួន​១.៣១០​នាក់ ដែល​ជា​សញ្ញា​មួយ​បង្ហាញថា មេរោគ​នេះ​រីក​រាលដាល​យ៉ាង​លឿន​នៅ​ក្រៅ​ក្រុង​តូ​ក្យូ​។​

​សរុប​ករណី​ឆ្លងកូវី​ដ​១៩​ចាប់តាំងពី​ឆ្នាំ​មុន​មក​នៅ​ប្រទេស​អាស៊ី​បូព៌ា​មួយ ឥឡូវ​កើន​ដល់​ជាង​១​លាន​នាក់​។​

​ដោយកូវី​ដ​១៩​ទំនង​ជា​រីក​រាលដាល​យ៉ាង​លឿន​ចេញ​ពី​រដ្ឋធានី​ទៅកាន់​តំបន់​ផ្សេងៗ នាយករដ្ឋមន្ត្រី​ជប៉ុន​បាន​និយាយ​បែប​ប្រយ័ត្នប្រយែង​អំពី​ការពង្រីក​ស្ថានភាព​គ្រាអាសន្ន​នៅ​ទូទាំង​​ប្រទេស​។​លោក​បាន​ប្រាប់​អ្នកយកព័ត៌មាន​ថា «​យើង​ត្រូវ​គិតគូរ​លក្ខខណ្ឌ​តាម​មូលដ្ឋាន​។​តំបន់​មួយៗ​អាច​ចាត់វិធានការ​ផ្ទាល់​របស់​គេ​»៕

​ទីក្រុង​តូ​ក្យូ​បាន​រកឃើញ​អ្នក​ឆ្លងកូវី​ថ​១៩​ថ្មី​ចំនួន​៤.៥១៥​នាក់​កាល​ពី​ថ្ថៃ​សុក្រ បន្ទាប់​ពី​ឆ្លង​៥.០៤២​នាក់​កាលពី​ថ្ងៃ​ព្រហស្បតិ៍