ប្រែសម្រួលៈវាសនា/ម៉ានីល៖ ហ្វីលីពីននៅថ្ងៃសៅរ៍ទី៧សីហានេះបានរាយការណ៍អ្នកឆ្លងកូវីដ១៩ថ្មីច្រើនបំផុតធៀបនឹងការឆ្លងប្រចាំថ្ងៃនៅពេលជិត៤ខែមកនេះ គឺឆ្លង១១.០២១នាក់ និង១៦២នាក់ស្លាប់ដោយកូវីដ១៩។
ក្រសួងសុខាភិបាលហ្វីលីពីន បាននិយាយថា តួលេខឆ្លងថ្មីនេះធ្វើអោយប្រទេសអាស៊ីអាគ្នេយ៍មួយនេះមានអ្នកកើតកូវីដ១៩សរុបជិត១,៦៥លាននាក់ និង២៨.៨៣៥នាក់។
អនុរដ្ឋមន្ត្រីក្រសួងសុខាភិបាលហ្វីលីពីនបានប្រាប់សននិសីតកាសែតមួយថា « យើងកំពុងរងគ្រោះពីរីរុសបំប្លែងខ្លួនDelta។ផ្អែកលើការប៉ាន់ស្មានរបស់យើង ការឆ្លងនឹងបន្តកើនឡើង»។
ប្រឈមការឆ្លងកើនឡើងដូច្នេះ តំបន់រដ្ឋធានីលាតសន្ធឹងដ៏ធំរបស់ហ្វីលីពីនកាលពីថ្ងៃសុក្របានវិលទៅរកការបិទខ្ទប់ទូទៅនិងតឹងរឹងសាជាថ្មី ។
សំរាប់ពេល២សប្តាហ៍ មនុស្សជាង១៣លាននាក់ដែលរស់នៅតំបន់ក្រុងម៉ានីល នឹងស្ថិតនៅក្រោមបទបញ្ជានៅក្នុងផ្ទះដ៏ម៉ឺងម៉ាត់បំផុតចាប់តាំងពីរដ្ឋាភិបាលចេញបញ្ជាបិទខ្ទប់កាលពីខែមីនាឆ្នាំមុន។ការរឹតបន្តឹងជាថ្មីនេះកើតឡើងក្រោយពីក្រសួងសុខាភិបានបានបញ្ចេញអោយដឹងថា វីរុសបំប្លែងខ្លួនDeltaបានឆ្លងរាលដាលនៅទីក្រុងទីប្រជុំទាំង១៦នៃក្រុងម៉ានីល៕
ប៉ុស្តិ៍ត្រួតពិនិត្យត្រូវបានដាក់នៅជុំវិញក្រុងម៉ានីលនៅពេលបទបញ្ជាបិទខ្ទប់ចូលជាធរមានកាលពីថ្ងៃសុក្រ