ដោយៈ វណ្ណៈ / ព្រះសីហនុៈ អ្នកស្រុក បាន​ប្រទះឃើញ​បុរស​ជនជាតិ​ចិន​ម្នាក់ ចងក​សម្លាប់ខ្លួន នៅ​អគារ​សំណង់​មួយ ស្ថិតនៅ​តំបន់ឆ្នេរ​អូ​ឈើទាល ក្រុម​១៧ ភូមិ​៤ សង្កាត់​៤ ក្រុងព្រះសីហនុ កាលពី​ព្រឹក​ថ្ងៃទី​៧ ខែសីហា ឆ្នាំ​២០២១​។​

​មន្ត្រី​អាជ្ញាធរ​មូលដ្ឋាន បាន​ឲ្យ​ដឹងថាៈ សមត្ថកិច្ច ពុំទាន់​រក​អត្តសញ្ញាណ​ឃើញ​នៅ ឡើយ​ទេ ព្រោះ​អត្ដ​ឃាត​ជន ពុំមាន​បន្សល់​អត្តសញ្ញាណ អ្វី​បន្តិច នៅ​កន្លែងកើតហេតុ ម្យ៉ាងទៀត ទីតាំង​កន្លែងកើតហេតុ​គឺជា​អគារ​សំណង់ មិនទាន់​រួចរាល់​ទុកចោល ផងដែរ​។​

​សមត្ថកិច្ច បាន​អះអាងថា សមត្ថកិច្ច​ជំនាញ កំពុង​ស្វែងរក​អត្តសញ្ញាណ និង​មូលហេតុ នៃ​ការធ្វើអត្តឃាត ដោយ​ចងក​សម្លាប់ខ្លួន​នេះ ផងដែរ​៕/V​-PC