-​កូ​វីដ​សព្វថ្ងៃ  កំពុង​ប្រល័យ  ជីវិត​មនុស្សា
​មិន​ថា​តូចធំ  មាន​ក្រ​ពិការ  ថ្នាក់លើ​ប៉ុណ្ណា​
ក៏​រង​ទទួល​។​

-​កូ​វីដ​ប្លែង​ថ្មី សាហាវ​ពេក​ក្រៃ ពិភព​រមួល
​ស្លាប់​គរ​ជើង​គ្នា មនុស្សម្នា​រំជួល នេះហើយ​កំសួល​
ជំងឺ​សាហាវ​។​

-​សូមកុំ​ភ្លេចខ្លួន ប្រយ័ត្ន​ខុស​ក្បួន ធ្លាក់ចូល​អន្តរាយ
​ព្រោះ​អី​កូ​វីដ វា​ចាំ​កំចាយ ជិវិត​អន្តរាយ
​គ្រប់​វិនាទី​។​

-​ត្រូវ​ចាំ​ឲ្យ​ជាប់ ទុកជា​ទម្លាប់ ដាក់ចិត្ត​សំភី
៣​ការ​៣​កុំ ជាប់​ជា​អលជ្ជី នេះ​ជានា​ទី​
ក្នុង​ផ្លូវ​ជីវិត​។​

-​ក្នុងពេល​ឥឡូវ កុំ​ដើររក​ផ្លូវ វាង​ឆ្ងាយ​រក​ជិត​
ព្រោះ​អី​កូ​វីដ វា​ស្ទាក់​ជុំជិត ហើយ​ទី​ងងឹត​
កូ​វីដ​បេតី​។​

-​កូ​វីដ​ខ្លាំងណាស់ ស៊ី​សួត​រហ័ស តែ​ពីរ​បី​ថ្ងៃ​
វា​កាច​សាហាវ លើស​ជំងឺ​អ្វី វា​មិន​ប្រណី
​សួត​មនុស្សលោក​ទេ​។​

-​ខ្ញុំ​តែង​ចងចាំ ពាក្យចាស់​លោក​ផ្តាំ តាំងពី​បុព្វេ​
លោ​កថា​ប្រយ័ត្ន ឲ្យ​ចេះ​ក្រែង​រេ បើ​មិន​ខ្លាច​ទេ
​នរក​ស៊ី​សួត​។​

-​ឥឡូវ​ជាក់ស្តែង កូ​វីដ​បំប្លែង ឥត​ល្បែង​ប្រកួត
​ឈឺ​តែ​ពីរ​ថ្ងៃ ប្រល័យ​ចុះក្អួត ដូច​នរក​ស៊ី​សួត
​បុរាណ​លោក​ថា​។​

-​កូ​វីដ​អ​វចី កូ​វីដ​អប្រិយ ចាំ​ផ្តាច់​សង្ខារ​
ឲ្យ​មនុស្ស​សង្រេង វង្វេង​ខ្លោចផ្សារ មនុស្ស​ត្រូវ​មរណា
​ដូច​មាន់​ដូច​ទា​។​

-​ដូចនេះ​ត្រូ​វ​ចាំ ត្រូវ​នឹក​បណ្តាំ ៣​កុំ​៣​ការពារ​
​ប្រកាន់​ឲ្យ​ខ្ជាប់ គ្រប់ពេលវេលា ទើប​យើង​គ្រប់គ្នា
​ឆ្លង​ផុត​អន្តរាយ​។​
ដោយ​៖ ក្រ​ដេ​វ​វិច​