​ប្រែ​សម្រួលៈ​វាសនា​/​កា​ប៊ុល​៖ ក្រុម​បះបោរ​តា​លី​បង់​បាន​ដណ្តើម​កាន់កាប់​មូលដ្ឋាន​របស់​ស្តេចត្រាញ់​ល្បីល្បាញ​ម្នាក់​របស់​អា​ហ្វ​ហ្គានី​ស្ថានកា​លពី​ថ្ងៃសៅរ៍ ដោយ​ធ្វើអោយ​វា​ក្លាយជា​ទីក្រុង​​អា​ហ្វ​ហ្គានី​ស្ថាន​ទី​២​ដែល​ធ្លាក់​ក្នុង​ដៃ​ពួក​តា​លី​បង់​តែ​ក្នុង​រយៈពេល​មិន​ដល់​២៤​ម៉ោង​។​

​អភិបាលរងក្រុង​Sheberghan​ក្នុង​ខេត្ត​Jawzjan​បាន​និយាយថា កងកម្លាំង​រដ្ឋាភិបាល​បាន​ដកថយ​ទៅកាន់​អាកាសយានដ្ឋាន​នៅ​ជាយក្រុង​ភាគ​ខាងជើង​នេះ ដើម្បី​ត្រៀម​ទប់ទល់​។​

​ទីក្រុង​នេះ​ជា​ស្រុកកំណើត​របស់​ស្តេចត្រាញ់ អាប់​ឌុល រ៉ា​ស៊ីដ ដូស្តាំ ដែល​បាន​វិល​មក​កាន់​អា​ហ្វ​ហ្គានី​ស្ថានវិញ​នៅ​សប្តាហ៍​នេះ​ក្រោយ​សម្រាក​ព្យាបាល​នៅ​តួ​ក​គី តែ​លោក​កំពុងស្នាក់នៅ​ក្រុង​កា​ប៊ុល​។​​ពួក​ជំនួយការ​បាន​និយាយថា​លោក​បាន​ជួប​ប្រជា​ធានា​ធិបតី​អា​ហ្វ​ហ្គានី​ស្ថាន​ដើម្បី​ពិភាក្សា​អំពី​ការបញ្ជូន​ទ័ព​ជំនួយ​ទៅ​វាយ​ដណ្តើមយក​ទីក្រុង​នេះ​មកវិញ​។​

​សូមបញ្ជាក់​ថា ក្រុម​តា​លី​បង់ បាន​និង​កំពុង​វាយ​ដណ្តើម​កាន់កាប់​តំបន់​ជំ​បទ​ធំ​ល្វឹងល្វើយ​របស់​អា​ហ្វ​ហ្គានី​ស្ថាន ចាប់តាំងពី​ខែ​ឧសភា​មក នៅពេល​ក្រុម​នេះ​បាន​ចាប់ផ្តើម​វាយប្រហារ​ជា​បន្ត​​បន្ទាប់​ចំពេល​ទាហាន​បរទេស​ចុងក្រោយ​ចាប់ផ្តើម​ដកចេញ​ពី​ប្រទេស​នេះ​។​កងកម្លាំង​រដ្ឋាភិបាល​បង្ខំចិត្ត​បោះបង់​ទីជនបទ​មួយចំណែក​ធំ​ទៅអោយ​ពួក​បះបោរ​តែ​ឥឡូវ​ខិតខំ​ការពារ​ទីក្រុង​​វិញ​ម្តង​៕

​ពួក​តា​លី​បង់​បាន​គ្រប់គ្រង​តំបន់​ជនបទ​ដ៏​ធំ​រួច​ហើយ និង​ឥឡូវ​កំពុង​វាយ​ដណ្តើម​យក​ទីក្រុង​ពី​រដ្ឋាភិបាល​ទៀត​