ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ របាយការណ៍​របស់​អង្គការសហប្រជាជាតិ​ព្រមាន​នៅ​ថ្ងៃ​ចន្ទ​នេះ​ថា ផែនដី​ទំនងជា​ឡើង​កម្តៅ​ដល់​ទៅ ១,៥ អង្សា​សេ​លឿន​ជាង​ការរំពឹង​ទុក​មួយ​ទសវត្សរ៍​។​

​អ្នកវិទ្យាសាស្ត្រ​រំពឹងថា សីតុណ្ហភាព​នឹង​កើនឡើង ១,៥ អង្សា​លើ​កម្រិត​មុន​ឧស្សាហកម្ម​នៅ​ចន្លោះ​ឆ្នាំ ២០៣០ និង ២០៥២ ប៉ុន្តែ​ឥឡូវនេះ​ជឿ​ថា​វា​នឹង​កើតឡើង​នៅ​ចន្លោះ​ឆ្នាំ​នេះ​និង​ឆ្នាំ ២០៤០ ។​

​កំណត់ក្រឹត ១,៥ អង្សា​សេ​ត្រូវបាន​ចាត់ទុក​ថា​ជា​ចំណុច​មួយ ដែល​បម្រែបម្រួល​អាកាសធាតុ​ក្លាយ​ជា​គ្រោះថ្នាក់​ខ្លាំង​ឡើង​។​

​កិច្ចព្រមព្រៀង​ទីក្រុង​ប៉ារីស​ឆ្នាំ​២០១៥ ស្តី​ពី​បម្រែបម្រួល​អាកាសធាតុ​បានឱ្យ​ប្រទេស​នានា​ប្តេជ្ញា​រឹតត្បិត​ការឡើង​កម្តៅ​ផែនដី​ត្រឹម ១,៥ អង្សា​សេ ប៉ុន្តែ​ឥឡូវ​កម្តៅ​បាន​កើនឡើង ១,២​អង្សា​សេ​​រួចទៅហើយ​។​

​សារ​នៅក្នុង​របាយការណ៍​ចុងក្រោយ​នេះ​ត្រូវ​គេ​រំពឹងថា​នឹង​មាន​ភាពរឹងមាំ​ជាង​មុន ជាមួយ​នឹង​ការព្រមាន​ពី​របៀប​ដែល​សីតុណ្ហភាព​ពិភពលោក​អាច​កើនឡើង​ដល់​១,៥​អង្សា​សេ​លើស​ពី​កម្រិត​​មុន​ឧស្សាហកម្ម ជា​ដែន​កំណត់​មួយ​ដែល​ប្រទេស​នានា​បាន​សន្យាថា​នឹង​ព្យាយាម​ចៀសវាង​បំពាន​ឱ្យខាងតែបាន ដោយសារ​តែ​ផលវិបាក​ដ៏​គ្រោះថ្នាក់​ដល់​មនុស្សជាតិ​៕

​អ្នកស្រុក​នៅ​ក្រិកឈ​រមើលភ្លើង​ឆេះ​ព្រៃ​ចូល​កៀ​កភូមិ​ហ្គោ​វេស​នៅលើ​កោះ​អេ​វីយ៉ា