​ដោយៈ ជា សីហៈ​/​ភ្នំពេញ ៖ ប្រជាពលរដ្ឋ​រស់នៅ​តាម​ស្រុក ភូមិ​ទាំងអស់​ក្នុង​តំបន់​ភូមិភាគ​ឥសាន​នៃ​ប្រទេស​កម្ពុជា បាន​ចូលរួម​យ៉ាង​សស្រាក់សស្រាំ​ក្នុង​យុទ្ធនា​ការទទួល​ការចាក់​វ៉ាក់សាំង​បង្ការ​កូ​វីដ​-១៩ ដើម្បី​ប្រយុទ្ធ​ទប់ស្កាត់​ការឆ្លង​រាតត្បាត​នៃ​ជម្ងឺ​ដ៏​កាច​សាហាវ​នេះ​។

​នេះ​គឺជា​ទិដ្ឋភាព​ជាក់ស្តែង ដែល​កើតឡើង​នៅ​ព្រឹក​ថ្ងៃទី​៧ ខែសីហា ឆ្នាំ​២០២១ នៅពេល​លោក ព្រុំ សុខា រដ្ឋមន្ត្រីក្រសួង​មុខងារសាធារណៈ ជា​ប្រធាន​ក្រុមការងារ​ខេត្តក្រចេះ និង​សហការី រួមទាំង​មន្ត្រី​មូលដ្ឋាន បាន​អញ្ជើញ​ចុះទៅ​ជួប​សំណេះសំណាល​លើកទឹកចិត្ត​ដល់​ប្រជាពលរដ្ឋ​ចំនួន​ប្រមាណ ៣៥០​នាក់ ដែល​បានមក​ទទួល​ការចាក់​វ៉ាក់សាំង​បង្ការ​កូ​វីដ​-១៩ រៀបចំ​ដោយ​ក្រុមការងារ​ចំរុះ​ខេត្ត ស្រុក នៅ​សាលាបឋមសិក្សា​អូរ​គ្រៀង ស្ថិតក្នុង​ឃុំ​អូរ​គ្រៀង ស្រុក​សំបូរ ខេត្តក្រចេះ​។​

ក្នុងឱកាស​នោះ លោក ព្រុំ សុខា បាន​ថ្លែង​គូសបញ្ជាក់​ពី​សារៈសំខាន់​ប្រកបដោយ​អត្ថន័យ​ស្លាប់​រស់​នៃ​ចលនា​ជាតិ​ប្រយុទ្ធ​ទប់ស្កាត់​កូ​វីដ​-១៩ ក្រោម​ម​គ្គុ​ទ្ទេស​ក៏​ដ៏​ថ្លៃថ្លា​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា ពិសេស​គឺ​យុទ្ធនា​ការចាក់​វ៉ាក់សាំង​កូ​វីដ​-១៩ ដែល​កំពុង​ទទួលជោគជ័យ​ក្នុងការ​បង្កើត​ប្រព័ន្ធ​ការពារ​ដែលជា​ភាពស៊ាំ​រឹងមាំ​របស់​សហគមន៍​ជាតិ ឈានទៅ​គ្រប់គ្រង ទប់ស្កាត់បាន​ការឆ្លង​រាតត្បាត​នៃ​ជម្ងឺ​ដ៏​កាច​សាហាវ​នេះ​៕​