​ប្រែ​សម្រួល : កញ្ញា​ដា​លី​ស (​ដេលី​មែ​ល​) ៖ យោង​តាម​ការស្ទង់មតិ​បឋម​នៅ​អ៊ីស្រាអែល​បានឱ្យដឹងថា មនុស្ស​ភាគច្រើន​ដែល​បាន​ទទួល​វ៉ាក់សាំង​កូវី​ដ​១៩​របស់ Pfizer ដូស​ទីបី​មាន​អារម្មណ៍​រង​ផលប៉ះពាល់​ដូចគ្នា​ឬ​តិច​ជាង​ផលប៉ះពាល់​ដែល​ពួកគេ​ជួបប្រទះ​ក្រោយ​ចាក់​វ៉ាក់សាំង​ដូសទី​ពីរ​។​

​អ៊ីស្រាអែល​បានចាប់ផ្តើម​ផ្តល់ដូស​ជំរុញ​ប្រហែល ១០ ថ្ងៃ​មកហើយ​ដល់​មនុស្ស​ដែល​មាន​អាយុ​លើសពី ៦០ ឆ្នាំ​ដែល​ជា​ផ្នែក​មួយ​នៃ​កិច្ចខិតខំ​ប្រឹងប្រែង​ដើម្បី​បន្ថយ​ការរីក​រាលដាល​នៃ​មេរោគ​បំប្លែង​​ខ្លួន Delta​។ ការណ៍​នេះ​បានប្រែក្លាយ​អ៊ីស្រាអែល​ទៅ​ជា​កន្លែង​សាកល្បង​សម្រាប់​ដូ​សទីបី​ដោយ​ស្វ័យប្រវត្តិ មុនពេល​មាន​ការយល់ព្រម​ពី​រដ្ឋបាល​ចំណីអាហារ​និង​ឱសថ​របស់​អាម៉េរិក​។​

​ទីភ្នាក់ងារ​ផ្តល់​សេវា​ថែទាំ​សុខភាព​ធំ​បំផុត​របស់​អ៊ីស្រាអែល​ឈ្មោះ ក្លា​លី​ត បាន​និយាយ​កាលពី​ថ្ងៃអាទិត្យ​ថា ខ្លួន​បាន​ចាក់​វ៉ាក់សាំង Pfizer/BioNTech ដូ​សទីបី​ដល់​មនុស្ស​ជាង ២៤០.០០០ នាក់​។​

​មនុស្ស​ប្រហែល ៤.៥០០ នាក់ ដែល​បាន​ទទួលដូស​ជំរុញ​ទាំងអស់គ្នា​ពី​ថ្ងៃទី ៣០ ខែ​កក្កដា​ដល់​ថ្ងៃទី ១ ខែ​សីហា បាន​ឆ្លើយតប​ទៅ​នឹង​សំណួ​រហើយ​ត្រូវបាន​បញ្ចូល​ក្នុង​ការ​ស្ទាបស្ទង់​នេះ​។​

​អ្នកចូលរួម​ចំនួន ៨៨ ភាគរយ​នៅក្នុង​ការ​ស្ទាបស្ទង់​នេះ​បាន​និយាយថា ប៉ុន្មាន​ថ្ងៃ​បន្ទាប់ពី​ទទួល​ដូ​សទីបី ពួកគេ​មាន​អារម្មណ៍ “​ស្រដៀង​គ្នា​ឬ​ប្រសើរ​ជាង​”​អារម្មណ៍​ដែល​ពួកគេ​បាន​​ជួបប្រទះ​បន្ទាប់ពី​ចាក់​ដូសទី​ពីរ​។​

​មនុស្ស​៣១​មួយ​ភាគរយ​បាន​រាយការណ៍​ពី​ផលប៉ះពាល់​មួយចំនួន ដោយ​ផលប៉ះពាល់​ទូទៅ​បំផុត​គឺ​ឈឺ​នៅ​កន្លែង​ចាក់​ថ្នាំ​។​

​ប្រហែល​០,៤​ភាគរយ​និយាយថា ពួកគេ​ជួប​អា​ការៈពិបាក​ដកដង្ហើម និង ១ ភាគរយ​និយាយថា ពួកគេ​ស្វែងរក​ពេទ្យ​ព្យាបាល​ដោយសារ​មាន​ប្រតិកម្ម​លើស​ពី​ពីរ​ចំណុច​៕

​អ៊ីស្រាអែល​ចាក់ដូស​ជំរុញ​ដល់​ប្រជាជន​២៤​ម៉ឺន​នាក់​កាលពី​ថ្ងៃអាទិត្យ